Joel 3:14 - Bible in Tzeltal Bachajón

¹⁴ C'ax bayel pueblohetic ta spamlej yu'un Chahpanel; como nopolix te sc'ahc'alel yu'un Jehová ta spamlej yu'un Chahpanel.

Bible in Tzeltal de Oxchuc y Tenejapa

¹⁴ Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Joel 3:14 Referans Kwoze

Filipenses 3:2

Tsahtaya me abahic yu'un te ts'i'etic, tsahtaya me abahic yu'un te chopol j'a'teletic, tsahtaya me abahic yu'un te mach'atic ya yehchentesic baq'uet.

Joel 3:2

ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Joel 1:15

¡Ay me wocol ta hich ora! como nopolix te sc'ahc'alel yu'un Jehová; hich ya xtal te bin ut'il te jinel yu'un te Mach'a spisil ya xhu' yu'un.

Salmos 37:13

Pero ya me stse'layot yu'un te Cajwaltic, como na'bil yu'un te nopol ya xlajix yorahil.

Isaías 13:4

Ay xjuyet ta witsiltic, hich te bin ut'il c'ax bayel winiquetic; xjuyet yu'un nacionetic, ha nacionetic te yac ta stsobel sbahic. Te Jehová te scuentahinej spisil yac ta yilel te soldadohetic te chapalic yu'un guerra.

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Joel 3:12

Ac'a stij sbahic te nacionetic, ac'a mohuquic bahel ta spamlej yu'un Josafat, como tey ya juhcan jba ta schahpanel a spisil te nacionetic ta sjoyobal.

Sofonías 1:14

¡Nopolix te smuc'ul c'ahc'alel yu'un Jehová! ¡Nopolix yorahil! Ch'a ya xc'oht te aw ta sc'ahc'alel te Jehová, asta ya x'awon tey a te mach'a ay yip.