Joel 2:31 - Bible in Tzeltal Bachajón

³¹ Ya x'ihc'ub te c'ahc'al, soc ya xc'atp'uj ta ch'ich' te u, te c'alal ma to xc'oht a te sc'ahc'alel Jehová te muc' soc te xiweltic sbahe.

Bible in Tzeltal de Oxchuc y Tenejapa

³¹ Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Joel 2:31 Referans Kwoze

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

Malaquías 4:5

Ilawil, ya jticombeyex te jalwanej Elías te c'alal ma to xc'oht a te sc'ahc'alel yu'un Jehová, te ha muc' soc xiweltic sba.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Joel 3:15

Ya x'ihc'ub te c'ahc'al soc te u, ya xtup' sts'anabul te eq'uetique.

Joel 2:10

Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

San Lucas 21:25

Ya me xchicnaj señahiletic ta c'ahc'al, ta u soc ta eq'uetic, soc ta bahlumilal ya me xc'ax swocolic te nacionetic; ma sna'ic bin ya spasic yu'un te tulan sc'op te mar soc te ya syuq'uilan sba.

Joel 3:1

Ta hich sc'ahc'alel soc ta hich ora, te c'alal ya ca'be xan yutsil slequil te Judá soc te Jerusalén,

San Mateo 27:45

Ohlil c'ahc'al a, ihc'ub q'uinal ta spisil te q'uinal, ha to c'alal ta oxeb ora suhtel c'ahc'al.

Hechos 2:20

ya x'ihc'ub te c'ahc'ale soc ya xc'ataj ta ch'ich' te u, te ma to xc'oht sc'ahc'alel a te Cajwaltic, te ha muc' soc bayel yutsilal.

Apocalipsis 8:12

Te schanebal ch'ul a'bat la yoq'uesin te scorneta; ehchenaj jun ta yoxeht'el te c'ahc'al, u soc eq'uetic scuenta yu'un ya x'ihc'ub jun ta yoxeht'elic. Hich ma ba sacub q'uinal jun ta yoxeht'el te c'ahc'al, soc ha nix hich te ahc'abal.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Ezequiel 32:7

C'alal jc'axel jihnematix cu'un, ya jmuc te ch'ulchan soc ya cac' x'ihc'ub te eq'uetique; ya cac' mahcuc ta tocal te c'ahc'al, soc te u ma ba ya yaq'uix sc'ahc'al.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Zacarías 14:6

Ta hich ora mayuc sacal q'uinal, mayuc sic soc mayuc me'sic.