Joel 2:21 - Bible in Tzeltal Bachajón

²¹ Ma me xiwat, lumq'uinal, tse'eluc awo'tan soc ayuc yutsil awo'tan, como te Jehová ay bintic muc' ya spasticlan.

Bible in Tzeltal de Oxchuc y Tenejapa

²¹ Binuc nax me awo'tan, lumq'uinal, ma me xiwat, melel te Cajwaltic ay bitic muc' ya spas.

Joel 2:21 Referans Kwoze

Isaías 54:4

Ma me xiwat, ma ba ya xhilat ta q'uexlal; ma me xaxi' q'uexlaltesel, como ma ba yac awich' pehc'anel; ya me xch'ay ta awo'tan te q'uexlal yu'un aqueremil soc ma ba yac ana'ix te ihlayel yu'un te ame'ba'al.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Isaías 35:1

Ay yutsil q'uinal ya ya'iyic te jochol taquin q'uinal soc te taquin lum; tse'el yo'tan te jochol taquin q'uinal, hich ya xnichin te bin ut'il te tsajal nichime.

1 Samuel 12:16

Ha yu'un mahliyahic yo'tic soc ila me awilic te muc'ul seña ya spasbeyex awilic te Jehová.

Zacarías 8:15

ha nix hich la jnopix te ya jpasbe yo'tic te bin lec te Jerusalén soc te sna Judá; ma me xiwex.

Joel 2:20

Ya cac' namijuc bahel ta atojolic te soldadohetic talemic ta norte, ya jticon bahel ta jochol taquin q'uinal: te nahil ay yu'unic ya x'ochic bahel ta mar ta stojol sloq'uib c'ahc'al, te patil ay yu'unic ya x'ochic ta mar ta stojol smahlib c'ahc'al. Ya xc'a'ic soc ya xmo stuhil, muc' bintic spasticlanejic.

1 Samuel 12:24

Ha nax ich'ahic ta muc' te Jehová soc ac'a abahic ta a'batinel yu'un ta mero melel soc ta spisil awo'tanic; na'ahic me te bintic muc' la spasbeyex.

Deuteronomio 4:32

Joc'oya awa'iy sc'oblal te bin c'axemix tal, te c'alal ma to ayucat a, te c'alal Dios la spas te ants-winic ta bahlumilal, teme ta jehch sti'il ch'ulchan c'alal ta yan sti'il, te hich c'ohem ta pasel te bintic muc' c'ohemix ta pasel, o teme ay hich ay ta a'iyele.

Salmos 98:8

Ac'a spac' sc'abic te muc'ul-ha'etic, ac'a c'ayojinuc soc yutsil yo'tanic spisil te witsiltic

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Oseas 2:21

Ta hich ora ya jac'be sc'opic, xchi te Jehová; ya jac'be sc'op te ch'ulchan, te ch'ulchan ya sjac'be sc'op te lumq'uinal,

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Isaías 55:12

Soc yutsil q'uinal ya xloq'uex bahel, soc lamal q'uinal ya suhtex talel. Te witsiltic soc te tsehletic ya xhahchic ta c'ayoj ta atojolic, soc spisil te te'etic ta q'uinal ya smaj sc'abic.

Salmos 71:19

soc sc'oblal te toj-o'tanil awu'un, Dios cu'un, te ya xc'oht c'alal ta ch'ulchan. ¡Mero muq'uic bintic apasoj! Dios ¿mach'a c'an spajat?

Joel 2:26

Ya me xwe'ex ha to c'alal ya xnoj ach'uhtic, soc ya me awalbeyic yutsil sc'oblal te sbihil te Jehová te Dios awu'unic, te c'ax lec bintic la spasbeyex; mayuquix bin ora ya xtahot yu'un q'uexlal te pueblo cu'une.