Joel 2:18 - Bible in Tzeltal Bachajón

¹⁸ Te Jehová, te bin ut'il xut'et yo'tan ta scuenta te q'uinal yu'un, ya me sna'be yo'bolil sba te pueblo yu'une.

Bible in Tzeltal de Oxchuc y Tenejapa

¹⁸ Te Cajwaltic jich la yac' ta ilel xc'uxul yo'tan ta stojol te lum yu'une, la sna'bey yo'bolil sba te lum yu'une.

Joel 2:18 Referans Kwoze

Zacarías 8:2

Bayel xut'et co'tan ta stojol Sión, soc bayel ilimba te xut'et co'tan yu'un.

Zacarías 1:14

Ha yu'un te ch'ul a'bat te yac sc'opombelon, hich la yalbon: Puca ta halel: Hich yaloj Jehová te scuentahinej spisil: Bayel xut'et co'tan ta stojol Jerusalén soc Sión.

Salmos 103:13

Hich te bin ut'il te tatil ya sna'be yo'bolil sbahic te snich'nab, hich te Jehová ya sna'be yo'bolil sbahic te mach'atic ya x'ich'ot ta muc' yu'une,

Santiago 5:11

Ya caltic te ha bayel yutsilic te mach'atic ya xcuhch yu'unic te swocolique. Awa'iyejic bin ut'il cuhch yu'un te Job, soc awilojic bin ut'il c'oht ta loq'uel ta patil yu'un te Cajwaltic, como te Cajwaltic bayel ya xc'uxultaywan soc ya sna'botic yo'bolil jbahtic.

Lamentaciones 3:22

Ha ta scuenta sc'uxul yo'tan Jehová te ma ba lajemotic, como mayuc bin ora ya xlaj te sc'uxul yo'tane;

Isaías 63:15

Ilawil c'alal ta ch'ulchan, c'alal ta ch'ul yutsil awilal te banti nahinemat. ¿Banti ay te xut'et awo'tan soc te awu'el, te yac ana' yo'bolil jbahtic soc te yac ac'uxultayotcotique? ¿Yu'un bal mayuc ta jtojolcotic?

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

San Lucas 15:20

Hich hahch ta behel, baht ta banti ay te state. C'alal namal to ay a, ilot yu'un te state, sts'ujet ta yo'tan la ya'iy te snich'an, ahnimal baht sta tal, la smech' soc la yuhts'uy.

Jeremías 31:20

Te Efraín, ¿ma bal ha'uc te jnich'an te bayel sc'oblal ta co'tan? ¿Ma bal ha'uc te alal te ya smulan te co'tane? Aunque bayel la jtsits, ya jna'ulan. Ha yu'un ya stij sba co'tan ta scuenta, bayel me ya jna'be yo'bolil sba, xchi te Jehová.

Isaías 60:10

Jyanlumetic ya scha'pasbat te ts'ahquetic awu'un, soc te ajwaliletic yu'unic ya yac' sbahic ta a'batinel awu'un; como soc quilimba la jca'bat castigo, pero soc yutsil co'tan ya jna'bat yo'bolil aba.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Salmos 103:17

Yan te sc'uxul yo'tan Jehová sbahtel q'uinal ay ta stojol te mach'atic ya yich'ic ta muc', soc stojil bin ya spas ta stojol te cajalcaj yal-snich'nabic,

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

Deuteronomio 32:43

¡Nacionetic, tse'eluc me awo'tanic soc te pueblo yu'un Dios, yu'un ha ya ya'be spacol te sch'ich'el te a'batetic yu'une, ya ya'be spacol te scontratac, soc ya spasbe te stojel mulil yu'un te sq'uinal te pueblo yu'une! xchi ta c'ayoj te Moisés.

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

Deuteronomio 32:16

La shachbeyic xut'et yo'tan ta scaj te yantic diosetic; la stijbeyic yilimba yu'un te bintic ilobtic sba.

Isaías 37:32

Como ta Jerusalén ya xloq'uic tal te mach'atic hilemic, soc ta wits Sión te mach'atic cuxul hilemic. Ha ya spas te Jehová te scuentahinej spisil te bin ut'il xut'et yo'tan.

2 Reyes 19:31

Como ya xloq'uic ta Jerusalén te mach'atic hilemic, soc ta wits Sión te mach'atic ya xcolic. Ha ya sc'ohtes ta pasel ini te xut'et yo'tan te Jehová te scuentahinej spisil.