Joel 1:4 - Bible in Tzeltal Bachajón

⁴ Te bin ma ba laj yu'un te yol la swe' te tut c'ulub; te bin ma ba laj yu'un te tut c'ulub la swe' te xc'aj; te bin ma ba laj yu'un te xc'aj la swe' te c'ulube.

Bible in Tzeltal de Oxchuc y Tenejapa

⁴ Spisil lajinot ta c'ulubetic; te bay c'alal jil yu'une, tal te yantique, la slajinic ta jc'axel.

Joel 1:4 Referans Kwoze

Joel 2:25

Ya jeltaybeyex te ha'biletic te lajinot yu'un te yol, te tut c'ulub, xc'aj soc te c'ulube, ha te tsobol soldadohetic cu'un te la jticombeyex ta atojolique.

Amós 4:9

La jmajat ta c'ahc'al ic' soc ta yol, te c'ulub la slajimbat bayel bintic ts'umbil soc te ts'usubiletic awu'unic, te higuerahetic soc te olivohetic awu'unic, pero ma ba suhtex tal ta jtojol yu'un, xchi te Jehová.

Amós 7:1

Hich la ya'bon quil te Jehová te Ajwalil: Ha la yac' ta pasel c'ulubetic ta yorahil yac ta puhl te aquiltic te patilix ya xcol, te lajix ta tsobel a te sit te ha yu'un te ajwalile.

Isaías 33:4

Ya yich'ic stsobel te bintic spojticlanejic, hich te bin ut'il ya stsobot yu'un yaxal yoletic; ya xwihlic cohel ta sbahic hich te bin ut'il c'ulubetic.

Salmos 78:46

La yac' lajuc ta xetetic te sit ts'unub yawalic la yac' lajuc ta c'ulubetic te sit ya'telic.

Éxodo 10:4

Teme ma xawac' loq'uele, pajel ya jticon tal c'ulubetic ta aq'uinal;

Jeremías 51:14

Te Jehová te scuentahinej spisil hich yaloj ta jamal ta stuquel: Ya jnojesbat ta acontratac hich te bin ut'il c'ulubetic, ya me x'awonic yu'un tsalaw ta atojol, xchi.

Salmos 105:34

C'opoj, hich tal c'ulubetic, ma xhu' ta ahtayel yu'un yipal;

2 Crónicas 7:13

Teme ho'on ya jmac te ch'ulchan yu'un ma ba ya xtal ha'al, o teme ya jticon c'ulubetic te ya slajin te q'uinal, o teme ya jticon tal tulan chamel ta stojol te pueblo cu'un;

Deuteronomio 28:38

Yac ats'un bayel awawal ta aq'uinal, pero jteb nax yac atsob, como ya xlajinot yu'un c'ulub.

Jeremías 51:27

¡Toya mohel bandera ta q'uinal, oq'uesinahic corneta ta yohlil te nacionetique! ¡Chahpanahic pueblohetic yu'un ya'beyel guerra, tsobahic tal nacionetic ta scontrahinel, ha te Ararat, Mini soc Askenaz! ¡Lehahic jtuhl capitán te ya scontrahin, ac'a mohuc tal cawuhetic hich te bin ut'il c'ahc'al c'ulubetic!

1 Reyes 8:37

Teme ay wi'nal ta q'uinal, o jmilawal-chamel, schamel o stotol awal-ts'unubiletic, muc'ul c'ulubetic o tut c'ulubetic; teme joytaybilix yu'un scontra a ta q'uinal te banti nahinemic, o biluc wocol o chamel te ya xtale,

2 Crónicas 6:28

Teme ay wi'nal ta q'uinal, jmilawal-chamel, teme ya xtaquij te awal-ts'unubiletic yu'un sc'uxul c'ahc'al, o ay stotol, o ya xlaj ta muc'ul c'ulubetic o tut c'ulubetic; teme joytaybilix yu'un scontra ta q'uinal te banti nahinemic, o biluc wocol o chamel te ya xtale,

Deuteronomio 28:42

Spisil te te'etic awu'un soc te sit ats'unub-awawal te ya xloc' tey ta aq'uinal, ya xlaj ta c'ulub.

Éxodo 10:5

ya slim sbahic ta lumq'uinal ha to c'alal ma chicanuc ya xhil te lume. Ya swe'ic te bintic hilem yu'un te bat soc ya swe'ic spisil te'etic yac ta colel ta aq'uinal.

Malaquías 3:11

Soc ya jcombeyex te jlajinwanej, ma ba ya slajimbeyex te sit awawal ats'unubic, soc te ts'usubil awu'unic ma yu'unuc ma ba ya sitin.