Joel 1:18 - Bible in Tzeltal Bachajón

¹⁸ ¡Bayel awonic te chambahlametic! ¡Xmo xyal te jtsob wacaxetic, como mayuc ac ya swe'ic! Ha nix hich ay swocolic schahpal te tuminchijetique.

Bible in Tzeltal de Oxchuc y Tenejapa

¹⁸ Xme'lajan te chambalametique. Tojol ya sle swe'elic te wacaxetique; ta stsojbol te chijetic ayic ta chamel.

Joel 1:18 Referans Kwoze

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Romanos 8:22

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.

Joel 1:20

Ha nix hich ya x'awonic ta atojol te ha'mal chambahlametic, como tup'ix ya'lel te uc'umetic, soc lajix ta c'ahc' te aquiltic ta jochol taquin q'uinal.

1 Reyes 18:5

Te Acab hich la yalbe te Abdías: Bahan ta spahmal te q'uinal ta spisil sloq'uib-ha'etic soc ta spisil uc'umetic ta yilel teme ya jtahtic ha'mal te hich ya xcuxajic a te cawuhetic soc te mulahetic, scuenta yu'un hich ma ba ya xlaj a te chambahlametic cu'untic, xchi.

1 Reyes 8:5

Te ajwalil Salomón soc spisil te pueblo yu'un Israel te stsoboj sbahic soc, ayic ta stojol te scaxahul te chapbil-c'op, yac yac'belic milbil mahtanil tuminchijetic soc torohetic, ma ba hu' ta ahtayel yu'un yipal.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Habacuc 3:17

Aunque ma xnichin te higuera, soc mayuc sit te ts'usubiletic, aunque ma xyac' sit te olivo, soc mayuc bin ya yac' te chahpambil q'uinal, aunque mayuquix tuminchijetic ta stsobojibal yu'unic, soc mayuc wacaxetic ta corral,

Hageo 1:10

Ha scuentahil te ma ba la yac' taluc ha'al te ch'ulchan ta atojolic soc te q'uinal ma ba la yac' sit te bintic ts'umbil tey a.