Jeremías 9:5 - Bible in Tzeltal Bachajón

⁵ Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.

Bible in Tzeltal de Oxchuc y Tenejapa

⁵ Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Jeremías 9:5 Referans Kwoze

Habacuc 2:13

¿Ma bal ha'uc te Jehová te scuentahinej spisil te ya yac' te ya yich' lajinel ta c'ahc' te ya'tel te ants-winiquetic, soc te tojol ya xluhbic te nacionetique?

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Isaías 57:10

Luhbat yu'un bayel behetic banti behenat, pero ma ba la awal: Mayuc stuc, ma xchihucat. La ata xan awip, hich ma ba laj te awipe.

Job 15:5

Hich ya xc'opojat ta scaj te amule, la atsa te sc'op te jlo'loywanej.

1 Timoteo 4:2

Te bintic ya yaq'uic ta nopel ini ha ya xtal ta scuenta chebalc'optayel yu'un jlotetic, te tsajuben ta c'ahc' c'ohem te bin ya yal te yo'tanique.

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Miqueas 6:3

Pueblo cu'un, ¿bin jpasbeyejat, o bin jcuts'inejat a? Halbon ca'iy.

Ezequiel 24:12

Tojol ay luhbel, ma ba loc' te bayel schuxubenal, ha nax ya xloc' ta c'ahc'.

Jeremías 9:8

Te yehique, ha ya'tejibalul t'ihmalte' te ya xlajinwan, ha nax ya ya'iy lot. Ta ye ya yalbeyic lamal q'uinal te mach'a jun yo'tan soc, pero ta yo'tanic ya schahpambe syacol.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Isaías 5:18

¡Ay me swocolic te mach'atic ya snitic tal ta scuenta lot te bin chopol, soc te ya snitic tal mulil hich te bin ut'il mach'a ya stas carreta!

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Salmos 140:3

Te yaq'uic jay ta huxel hich te bin ut'il ye chan; ay svenenohil ti'awal chan ta sti'il yehic. Selah

Salmos 64:3

te ya shuxbe ye te yaq'uic hich te bin ut'il espada, soc ya st'imic bahel sc'opic te ay svenenohil hich te bin ut'il ya'tejibal t'ihmalte',

Salmos 50:19

Ya xtuhun awe ta yalel bin chopol, soc te awac' ya xchahpan lo'loywanej.

Salmos 7:14

Te mach'a chopol yo'tan la yac' hahchel te bin chopol, swoloj te bin ma lecuc, la yayintes lo'loyel.

Job 11:3

¿Ya bal yac' ch'abuc winiquetic te bin ut'il bayel ya xc'opojat? ¿Ya bal awa'iy labanwanej, te mayuc mach'a ya stsitsat yu'une?

Génesis 19:11

Soc la sc'atp'unic ta ts'o'sit te winiquetic te ayic ta ti'nahil, queremetic soc mamaletic, hich lubic ta slehel te ti'nahile.

Salmos 52:3

C'ax hich c'ux ta awo'tan a te bin chopol te bin ut'il te bin leque, c'ax hich c'ux ta awo'tan a te lot te bin ut'il te smelelil c'ope. Selah

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 12:6

Te awermanotac soc te mach'atic ay yu'un atat ha'ic nix la yac'at ta c'abal, awonic scontrahimbelat. Ma me xawac' ya smuc'ulinic awo'tan aunque lec bin ya yalbat.

Jeremías 12:13

La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Jeremías 51:58

Hich ya yal te Jehová te scuentahinej spisil: Te pimil ts'ahc yu'un Babilonia jc'axel ya yich' jinel soc ya xlajic ta c'ahc' te toyol ochibaletic yu'une. Tojol a'tejic te pueblohetic, tojol luhbic te nacionetic, yu'un ya xlaj ta c'ahq'uel spisil, xchi.

Jeremías 51:64

soc hich me yac awal: Hich ya x'etanot ta ha' te Babilonia, ma ba ya scha'hahchix xan tal yu'un te jinel ya cac' tal ta stojole. Tsalbil ya xc'oht, xchihat me. Li' laj te sc'op te Jeremías.

Malaquías 2:10

¿Yu'un bal ma junuc nax Jtatic ta jpisiltic? ¿Ma bal junuc nax te Dios te la spasotique? ¿Bin yu'un nix a hiche te talel c'axel ya jlo'loy jbahtic, te hich ya jbohlobtesbe sc'oblal te chapbil-c'op la spas Dios soc te jme'jtatique?

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Proverbios 12:5

Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.