Jeremías 9:4 - Bible in Tzeltal Bachajón

⁴ Tuhlutuhl ac'a stsahtay sba ta stojol te mach'a sjoquinej sba soc, ma me ha'uc ya smuc'ulin yo'tan te yermano, como spisil yermano ya xlo'loywan, soc spisil mach'a sjoquinej sba soc ya xlehawan ta c'op.

Bible in Tzeltal de Oxchuc y Tenejapa

⁴ Asta jo'tac ma spas te ya quich'beytic ta muc' te sc'opique; manchuc teme quermano jbatic soc, ma xju' ya quich'tiquix ta muc'. Melel te mach'atic quermano jbatic soque, ja' nax ya xlo'laywanic; te mach'a jo'tac jbatic soque, ja' nax ya jle jbatic ta c'op juju-jtul.

Jeremías 9:4 Referans Kwoze

Jeremías 6:28

Spisilic ha jtoybahetic, ya xleyawanic ta c'op. Ha bronce soc hierro c'ohemic, spisil chopolic.

San Mateo 10:21

Te jtuhle ya yac' ta milel te yermano, te tatil ya yac' ta milel te snich'ane. Te al-nich'anetic ya scontrahinic te sme'static soc ya me yaq'uic ta milel.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

Jeremías 12:6

Te awermanotac soc te mach'atic ay yu'un atat ha'ic nix la yac'at ta c'abal, awonic scontrahimbelat. Ma me xawac' ya smuc'ulinic awo'tan aunque lec bin ya yalbat.

Proverbios 25:18

Te mach'a ya yal lotil testigo-c'op ta scontrahinel te spat-xuhc, hich c'ohem te bin ut'il martillo, cuchillo, o ya'tejibal t'ihmalte' te jay sni'ile.

Proverbios 10:18

Te mach'a ya smuc te il-o'tantaywanej, ya ya'iy lot, soc te mach'a ya spuc ta halel labanel, ma sna' q'uinal.

Salmos 15:3

ha te mach'a ma sle c'op, te mayuc bin chopol ya spasbe te spat-xuhc, soc te ma ba ya sbohlobtesbe sc'oblal;

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

San Lucas 21:16

Ay me ha nix ya yaq'uex ta c'abal te ame'atatic, abanquil awihts'inic, amohlol ats'ahquilic, soc awamigotac, soc ay ya xlajex ta milel yu'unic.

San Mateo 10:17

Tsahtaya me abahic ta stojol te winiquetic, como ay me ya yaq'uex ta sc'ab mach'atic ay ya'telic ta chahpanwanej, soc ay me ya yaq'uex ta majel ta sinagogahetic yu'unic.

Ezequiel 22:9

Ay ta awohlil jle-muliletic te la smalic ch'ich'; ay ta awohlil te mach'atic we'ic ta ba witsetic soc te la spasic te bintic ilobtic sbahe.

Proverbios 6:19

te lotil testigo te ma meleluc bin ya yal, soc te mach'a ya shach c'op ta stojol yermanotac.

Proverbios 6:16

Ay waqueb te bin ya sp'aj te Jehová, huqueb te bin ya yihlay:

Salmos 101:5

Ya jcom te mach'a muquen ya sle ta c'op te spat-xuhc; ma jc'an te mach'a jtoyba soc te muc' ya yac' sbahe.

Isaías 59:13

ha te toybahil soc te la jmuc ta co'tantic te Jehová, la jsut jpatic ta stojol te Dios cu'untic; ha te yalel uts'inel soc toybahil, soc yalel lot te chicnaj ta co'tantic.

Jeremías 9:8

Te yehique, ha ya'tejibalul t'ihmalte' te ya xlajinwan, ha nax ya ya'iy lot. Ta ye ya yalbeyic lamal q'uinal te mach'a jun yo'tan soc, pero ta yo'tanic ya schahpambe syacol.

Malaquías 2:10

¿Yu'un bal ma junuc nax Jtatic ta jpisiltic? ¿Ma bal junuc nax te Dios te la spasotique? ¿Bin yu'un nix a hiche te talel c'axel ya jlo'loy jbahtic, te hich ya jbohlobtesbe sc'oblal te chapbil-c'op la spas Dios soc te jme'jtatique?

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Proverbios 4:17

Como ha swe'elic te bin chopol, te bin ya yuch'ic ha te uts'inwanej.

Isaías 9:16

Te jcuentahinwanejetic ya showiytesic te pueblo ini ya xch'ayic te mach'atic cuentahimbil yu'unique.