Jeremías 9:21 - Bible in Tzeltal Bachajón

²¹ como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Bible in Tzeltal de Oxchuc y Tenejapa

²¹ “Te lajele och tel ta yutil jnatic, jul ta palacioetic cu'untic; ya smil alaletic ta calleetic soc te queremetic ach'ixetic ta parqueetic.

Jeremías 9:21 Referans Kwoze

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Jeremías 15:7

Aunque la jtsulq'uin ta tsulq'uinojibal ta ochibaletic yu'un te q'uinal; soc mayuc yal-snich'nabic hilic cu'un, la jlajin te pueblo cu'une, ma ba jelon te behetic yu'unique.

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

Isaías 40:30

Te ach'ix-queremetic ya xluhbic soc ya xlaj yipic, te jcolel queremetic ya sc'ohchin yoquic, ya xyahlic;

Jeremías 6:21

Ha yu'un hich ya yal te Jehová: Ya cac' te bin ya sc'ohchin sba a te pueblo ini, pajal ya xyahlic tey a te tatiletic soc al-nich'aniletic; ya xch'ayic bahel te spat-xuhquic soc mach'atic jun yo'tan sbahic, xchi.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 44:7

Ha yu'un, hich yaloj te Jehová te scuentahinej spisil, te Dios yu'un Israel: ¿Bin yu'un te ha'ex nix yac awac' taluc ta atojolic te bin chopol te c'ax muc', ha te ya xlajic winiquetic, antsetic, ach'ix-queremetic soc tut alaletic ta Judá, te mayuc mach'a ya xhil awu'unique?

Jeremías 50:30

Ha yu'un te queremetic yu'un ya me xlajic ta plazahetic, spisil te winiquetic yu'un guerra ya xlajic ta hich ora, xchi te Jehová.

Joel 2:9

Ya yochintayic te pueblo, ya x'ahnimajic ta sba ts'ahc, ya xmohic ta nahnatic, ya x'ochic ta ventana hich te bin ut'il j'eleq'uetic.

Amós 6:9

Teme ya xhil lajuntuhl winiquetic ta jun na, ya me xchamic.

Jeremías 7:33

Te chamen baq'uet yu'un te pueblo ini ya me xtuhun yu'un swe'el te mutetic te ya xwihlic ta toyol soc te chambahlametic ta lumq'uinal, soc mayuc mach'a ya xiwtesic bahel.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Amós 5:2

Yahlix te ach'ix Israel, ma xhu' ya xhahchix; ihquitayot hilel ta sq'uinal, mayuc mach'a ya xhahchot yu'un.

Sofonías 1:17

Ya ca'be swocol te ants-winiquetic, hich ya xbehenic te bin ut'il ts'o'sitetic, como la sta smulic ta stojol Jehová. Ya xmalbot sch'ich'elic hich te bin ut'il ts'u'lum, soc te sbaq'uetalic hich te bin ut'il tsa'.