Jeremías 9:19 - Bible in Tzeltal Bachajón

¹⁹ Como ya xchicnaj oq'uel ta Sión: ¡Jihnemotiquix! Bayel quich'ojtic q'uexlaltesel, yu'un la jquihquitaytic hilel te jq'uinaltic, la sjinic te jnatique.

Bible in Tzeltal de Oxchuc y Tenejapa

¹⁹ C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Jeremías 9:19 Referans Kwoze

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Deuteronomio 28:29

soc xmaxlajan ya xbehenat ta ohlil c'ahc'al hich te bin ut'il ts'o'sit ta yihc'al q'uinal, soc ma ba lec ya xc'oht te bintic yac apas; spisil ora ayat ta uts'inel soc ya x'elc'anot abiluc, mayuc mach'a ya scoltayat.

Miqueas 2:10

Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Lamentaciones 5:2

Te bintic ay cu'uncotic c'axic bahel ta sc'ab yantic, te jnahcotic c'axic bahel ta sc'ab jyanlumetic.

Lamentaciones 4:15

¡Q'ueja abahic! ¡Bohloben ac'oblalic! xchi sc'oblalic ta awtayel. Loc'anic, loc'anic, ma me xapiquic, xchi sc'oblalic. Hich ahnic loq'uel, puhquic bahel. Hich la yich' halel ta yohlil te nacionetic: Ma xhu' ya x'ayiniquix li'i, xchihic. Mayuc ta stojol te Diose.

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 2:14

¿Ha bal a'bat te Israel? ¿Ayin bal ta mosohil? ¿Bin yu'un hiche te pojbil biluc c'ohem?

Levítico 20:22

Ch'uhunahic spasel spisil te bintic chapal cu'un soc te bintic caloj ta mandar; a'telinahic spasel, scuenta yu'un ma ba ya xehtayex loq'uel te q'uinal banti ya quiq'uex ochel ta nahinel.

Levítico 18:28

Ma me xehtayex loq'uel te lumq'uinal ta scaj te la abohlobtesic, hich te bin ut'il la xe'tayix loq'uel te mach'atic nahil nahinic tey a.

Levítico 18:25

soc te bohlob sc'oblal te lumq'uinale. La jca'be castigo yu'un te smule, soc te lumq'uinal la xehtay loq'uel te swinquilele.

Jeremías 7:15

Ya jch'ojticlanex loq'uel ta jtojol, hich te bin ut'il la jch'ojticlan loq'uel te awermanotac, spisil te sts'umbal Efraín.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Isaías 32:9

¡Ha'ex, antsetic, te mayuc bintic ay sc'oblal ta awo'tanic, hahchanic, a'iybon awa'iyic jc'op! ¡Ach'ixetic te jun awo'tan ayex, a'iya awa'iyic te bin ya cale!

Ezequiel 27:2

Snich'anat winic, c'ayojtaya ta stojol Tiro c'ayoj scuenta mel-o'tan.