Jeremías 9:13 - Bible in Tzeltal Bachajón

¹³ Hich la yal te Jehová: Como la yihquitaybon te ley cu'un te la jcac' ta stojolic; ma ba la sch'uhumbonic te jc'op soc ma ba la st'unic bahel.

Bible in Tzeltal de Oxchuc y Tenejapa

¹³ Te Cajwaltic la sjac': —Spisil jich a c'ot ta pasel, melel te israeletic la yijq'uitayic te p'ijubtesel la cac'beye, ma la yich'bonic ta muc' soc ma la sc'otesic ta pasel.

Jeremías 9:13 Referans Kwoze

2 Crónicas 7:19

Yan teme ya suhtex ta apatic, teme yac awihquitayic hilel te chahpambil mandariletic soc te mandariletic cu'un te la jca'beyex ta atojolic, teme yac awac' abahic ta a'batinel yu'un yantic diosetic, soc teme yac ach'uhuntayique,

Jeremías 22:9

Hich ya xjac'botic: Como la yihquitayic hilel te chapbil-c'op yu'un te Jehová te Dios yu'unique, la sch'uhuntayic te yantic diosetic soc la yac' sbahic ta a'batinel yu'unic, xchi te Jehová.

Esdras 9:10

Pero yo'tic, Dios cu'uncotic, ¿bin ya xhu' ya calcotic yu'un te bin jpasojcotique? Como la jquihquitaycotic te mandariletic awu'un

Proverbios 28:4

Te mach'atic ya yihquitayic te ley ya yalbe lec sc'oblal te mach'atic chopolic, yan te mach'atic ya sch'uhunic te ley ya scontrahinic te mach'atic chopolic.

Salmos 119:53

Mero ilinon yu'un te mach'atic chopolic, te ya yihquitayic te ley awu'une.

Jeremías 5:19

C'alal ya sjoc'oyic: ¿Bin yu'un te hich la spasbotic te Jehová te Dios cu'untic? teme xchihique, hich yac awalbe: Hich te bin ut'il la awihquitayonic soc la awac' abahic ta a'batinel ta stojol yan diosetic ta aq'uinalic, hich yac awac' abahic ta a'batinel ta stojol jyanlumetic ta yan q'uinal, uta me, xchi.

Jeremías 7:26

Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.