Jeremías 9:11 - Bible in Tzeltal Bachajón

¹¹ Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Bible in Tzeltal de Oxchuc y Tenejapa

¹¹ “Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 9:11 Referans Kwoze

Isaías 25:2

Como la ac'atp'un ta busambil ton te pueblo, la ajin te pueblo te joybil ta sts'ahc, te muc'ul nahetic yu'un te jyanlumetic ma pueblohuquix, mayuc bin ora ya yich' cha'pasel xan.

Jeremías 51:37

Busul jimbil na ya xc'oht te Babilonia, ha yawil ha'mal ts'i'etic, ha te bin xiweltic sba soc te labambil, mayuc mach'a ya xnahin tey a.

Jeremías 10:22

¡A'iya awa'iyic, ay bin hul ta halel! Bayel xjuyet yac ta talel ta q'uinal ta stojol norte, yu'un ya sutp'inic ta jochol q'uinal te pueblohetic yu'un Judá, ha sna ha'mal ts'i'etic ya xc'oht.

Isaías 34:13

Ya xcol ch'ixetic ta muc'ul nahetic yu'un ajwalil, soc ta tulanil ts'ahquetic yu'un ya xcol chic-ch'ixetic soc petel ch'ixetic. Yawil ha'mal ts'i'etic ya xc'oht, soc banti ya xnahinic te yalatac avestruz-mutetic.

Isaías 13:22

Ya x'awonic ta muc'ul nahetic te hiena-ts'i'etic soc chacal-ts'i'etic ta t'ujbil nahetic. Nopol ya xc'oht yorahil, ma ba ya xhalajix sc'ahc'alel, xchi te Jehová.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Lamentaciones 3:47

xiwel soc yaquil, jinel soc lajinel c'ohemic ta jtojolcotic.

Lamentaciones 2:2

Te Cajwaltic la sjin, ma ba la sna'be yo'bolil sba; soc sc'ahc'al yo'tan la sjinticlan spisil te nahilpaq'uetic yu'un Jacob; la sjin cohel ta lum te ahnibal ts'ahquetic yu'un te Judá; la spehc'an te ban c'alal scuentahinej soc te príncipaletic yu'une.

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Salmos 79:1

¡Dios cu'un, te nacionetic la yochintaybatix te bintic ay awu'un! ¡La sbohlobtesbeyic sc'oblal te ch'ul Templo awu'un; busul hil yu'unic te Jerusalén!

Miqueas 6:16

Como ach'uhunej spasel te mandariletic yu'un Omri soc spisil bintic la spasic te mach'atic ay yu'un Acab, la at'unic te bintic la yalique; ha yu'un ya cac'at ta jinel soc ya cac' ta labanel te mach'atic nahinemic ta awohlilique. Ha yu'un yac awich'ic labanel yu'un te pueblo cu'une.

Miqueas 1:6

Ha yu'un ya cac' te busul ya xhil ta jinel te Samaria, ha lumq'uinal ta banti ya yich' ts'unel ts'usubiletic. Ya jbusq'uin cohel ta spamlej te tonetic yu'un soc ya cac' te ya xchicnaj te yich'o-ip.

Jeremías 26:9

¿Bin yu'un yac awal sc'op-jalwanej ta scuenta sbihil te Jehová, te hich yac awal: Te na ini hich ya xc'oht te bin ut'il Silo soc te pueblo ini jimbil ya xc'oht soc mayuc mach'a ya xnahin tey a? te xchihate, xchihic. Spisil te pueblo la sjoytayic te Jeremías ta sna Jehová.

Jeremías 25:18

ta Jerusalén, ta pueblohetic yu'un Judá, ta stojol te ajwaliletic soc te príncipaletic yu'une, scuenta yu'un jimbil soc jochol ya xc'ohtic, ya yich'ic tse'layel, labanel, soc halel ma lecuc sc'oblalic, hich te bin ut'il ta ora ini.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Nehemías 4:2

Hich la yal ta stojol te smohloltac soc te soldadohetic yu'un Samaria: ¿Bin yac spasbelic te judiohetic te mayuc yipique? ¿Ya bal x'a'botic permiso te ya scha'aq'uic xan milbil mahtaniletic? ¿Ya bal xhu' yu'unic spasel ta junax c'ahc'al? ¿Ya bal yach'ubtesic te tonetic te busul stanul ta c'ahq'uel? xchi.

Apocalipsis 18:2

Hich tulan la yal ta aw: ¡Jihnemix, jihnemix te muc'ul Babilonia! Ha sna pucujetic c'ohem, ha yawil spisil ta chahp bohl pucujetic, soc sluhtstajibix spisil ta chahp bohl mutetic te ilobtic sbahe.

Levítico 26:32

Ya jin te lumq'uinal, mero xcham yo'tanic yu'un te acontratac te ya xnahinic tey a.

Salmos 44:19

yu'un hich yac ach'ojotcotic bahel ta banti ay ha'mal ts'i'etic soc yac amucotcotic ta yaxinal lajel.

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Jeremías 44:2

Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 49:33

Yawil ha'mal ts'i'etic ya xc'oht te Hazor, jochol ya xhil sbahtel q'uinal. Mayuquix mach'a ya xnahin tey a, ni jtuhluc ya xnahin tey a, xchi.

Jeremías 50:3

Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Lamentaciones 1:4

Ayic ta mel-o'tan c'ohem te behetic yu'un Sión, como mayuc mach'a ya xtal ta muc'ul q'uinetic. Jochol spisil te ochibaletic yu'un, ya x'ahcanajic te sacerdotehetic; ayic ta mel-o'tan te ach'ixetic yu'un, mero pich'il yo'tanic.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Salmos 107:43

Te mach'a ay sp'ijil yo'tan, ac'a yac' ta yo'tan ini, soc ac'a sna' te smuc'ul sc'uxul yo'tan te Jehová.

Jeremías 8:22

¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

Jeremías 16:10

C'alal yac awalbe te pueblo spisil te c'op ini, ya me sjoc'obat: ¿Bin yu'un la yal Jehová te ya xtal ta jtojoltic spisil te bintic chopol te c'ax muq'ue? ¿Bin chopol jpasojcotic? ¿Bin mulil jpasojcotic ta stojol Jehová te Dios cu'untique? xchihic.