Jeremías 9:10 - Bible in Tzeltal Bachajón

¹⁰ Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Bible in Tzeltal de Oxchuc y Tenejapa

¹⁰ “Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 9:10 Referans Kwoze

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Ezequiel 33:28

Ya cac' te jochol soc jihnem ya xhil te q'uinal, soc ya xlaj te stoybahil yu'un te yipe; soc te witsiltic yu'un Israel jochol ya xhilic, mayuc mach'a ya xc'ax tey a.

Ezequiel 29:11

Ma ba ya xc'ax yoc ants-winic o yoc chambahlam tey a; cha'winic (40) ha'bil mayuc mach'a ya xnahin tey a.

Ezequiel 14:15

Teme ya jticon bahel ti'awal chambahlametic ta sq'uinal yu'un ya smilticlambe te swinquilel, te hich ya xc'atp'uj ta jochol taquin q'uinal, te mayuc mach'a ya xc'ax tey a ta scaj te ti'awal chambahlametic,

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Lamentaciones 2:11

Ya xlaj yip jsit yu'un te oq'uele, ya syuc' sba ya ca'iy te jch'uhte; ya xmal cohel jch'a ta lum ta scaj te la yich'ix jinel te pueblo cu'une; te alaletic soc te chu'alaletic yaquic ta lajel ta callehetic yu'un te pueblo.

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Jeremías 14:6

Te ha'mal burrohetic ya scohtan sbahic ta toyol jochol q'uinal, ya yich'ic ic' hich te bin ut'il ha'mal ts'i'etic; ya x'ihc'ub q'uinal ya yilic, como mayuc ha'maletic, xchi te Jehová.

Jeremías 8:18

Mayuc spoxil te jmel-o'tan, ya xlaj yip te co'tane.

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Isaías 49:19

Como te q'uinal awu'un te lajem, te jimbil soc te jochol hil, yo'tic tut ya xc'oht ta scaj te bayel mach'atic ya xnahinic tey a, soc namal ya xhilic te mach'atic la sjinex.

Isaías 41:15

Ilawil, ya cac'at ta sloq'uesojibal spat trigo te ha yach'il soc te ay bayel ye. Ya me awuy te witsiltic soc ya me ajuch', yac ac'atp'un ta suhlil trigo te tsehletique.

Jeremías 50:3

Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Ezequiel 27:2

Snich'anat winic, c'ayojtaya ta stojol Tiro c'ayoj scuenta mel-o'tan.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 1:19

Ha'at, Jehová, ya cawtayat; como lajix ta chiq'uel ta c'ahc' te ya'malel te jochol q'uinal, soc lajix ta c'ahq'uel spisil te te'etic ta q'uinal.

Amós 5:1

A'iya awa'iyic te c'op ini scuenta mel-o'tan te ya cal ta atojolic, sna Israel:

Amós 5:16

Ha yu'un hich yaloj te Jehová Dios te scuentahinej spisil: Ay me oq'uel ta spisil te plazahetic, soc ta spisil callehetic hich me ya yalic: ¡Ay! ¡Ay! xchihic. Ya yiq'uic tal ta oq'uel te j'a'tel ta q'uinal, soc ya yiq'uic tal ta oq'uel te mach'atic ya sna'ic oq'uel.

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 12:11

Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Lamentaciones 5:18

ta scaj te wits Sión te jochol hilem, soc ya xbehenix waxetic tey a.

Ezequiel 6:6

Ta bayuc te ya xnahinex, jochol ya xhilic te pueblohetic soc ya yich'ic lajinel te toyol awilaletic awu'unic, scuenta yu'un jimbil soc jochol ya xhilic te scajtajib ta chiq'uel mahtanil awu'unique. Ya yich'ticlan wuyel soc jinel te loc'ombahetic awu'unic, te loc'ombahetic yu'un te c'ahc'al awu'unic ya yich'ic wuyticlanel soc ya yich'ic lajinel te ya'tel ac'abique.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.