Jeremías 8:15 - Bible in Tzeltal Bachajón

¹⁵ La jmahliytic lamal q'uinal, pero mayuc bin lec te tale, la jmahliytic yorahil poxtayel, pero ha nax ay tulan xiwel.

Bible in Tzeltal de Oxchuc y Tenejapa

¹⁵ Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Jeremías 8:15 Referans Kwoze

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Miqueas 1:12

Como te mach'atic nahinemic ta Marot wocol ya smahliyic te bin lec, como te Jehová la yac' te ya xc'oht te bin chopol ta yochibal te Jerusalén.

Jeremías 8:11

Ta sba nax ya spoxtaybeyic yehchen te pueblo cu'un, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Job 30:26

Pero te c'alal yacon ta smahliyel te bin lec, ha tal te bin ma lecuc; te c'alal yacon ta smahliyel te sacal q'uinal, ha tal te yihc'al q'uinale.

Jeremías 6:25

¡Ma me xloc'at bahel ta aquiltic, ma me xbehenat ta behbetic, como ay espada yu'un te contra, soc bayuc ay xiwel!

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Ezequiel 7:25

¡Ya xtal te jinele! Ya me slehic te lamal q'uinal, pero ma ba ya stahic.