Jeremías 8:14 - Bible in Tzeltal Bachajón

¹⁴ ¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Bible in Tzeltal de Oxchuc y Tenejapa

¹⁴ Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Jeremías 8:14 Referans Kwoze

Jeremías 23:15

Ha yu'un te Jehová te scuentahinej spisil hich ya yalbe sc'oblal te jalwanejetic: Ya cac'ticlambe swe'ic ch'ahco' soc ya cac'ticlambe yuch'ic ha' te yich'oj veneno, como ta scuenta te jalwanejetic ta Jerusalén te puhc bahel ta spahmal q'uinal te ma xyich'ic ta muc' te Diose, xchi.

Jeremías 9:15

Ha yu'un hich ya yal te Jehová te scuentahinej spisil, te Dios yu'un Israel: Ilawil, te pueblo ini ya ca'be swe' ch'ahco' soc ya ca'be yuch'ic ha' te ay svenenohil.

Lamentaciones 3:19

Na'bon te jwocol soc te jmel-o'tan, te ch'ahco' soc te sch'ahe.

Jeremías 35:11

Pero c'alal la yochintay te q'uinal te Nabucodonosor ajwalil yu'un Babilonia, hich la jcalcotic: La'ic, ya jnac' jbahcotic ta Jerusalén ta stojol te soldadohetic yu'un te caldeohetic soc yu'un te siriahetic, xchihotcotic. Ha yu'un te nahinemotcotic ta Jerusalén, xchihic.

San Mateo 27:34

la ya'beyic yuch' vinagre capal ta bin ch'a, pero la nax sts'ub ya'iy, ma ba la sc'an la yuch'.

Salmos 69:21

La ya'bonic jwe' bin ch'a scuenta jwe'el, soc te c'alal taquij co'tan la ya'bonic cuch' vinagre.

2 Samuel 20:6

Ha yu'un te David hich la yalbe te Abisai: Te Seba snich'an Bicri, c'ax xan hich ya yac' jwocoltic a te bin ut'il Absalón. Ic'a bahel hiche te a'batetic yu'un te awajwal, nutsa bahel, teme repente ay ya x'och bahel ta pueblo te joybil ta ts'ahc, tey ya scoltay sba ta jc'abtic a, xchi.

Deuteronomio 29:18

Ma me ayuc ta awohlilic winic o ants, jchahp na, o jchahp ts'umbalil, te hich ay yo'tan te ya yihquitay te Jehová te Dios cu'untic, yu'un ya yac' sba ta a'batinel yu'un te lotil diosetic yu'un te nacionetic ini; ma me ayuc ta awohlilic te hich c'ohem te bin ut'il slohp' te ya yac' te bin ch'a te ya xmilawan,

Zacarías 2:13

¡Ac'a ch'abuc ta stojol Jehová spisil mach'atic ayic ta bahlumilal, como hahchemix ta ch'ul awilal banti nahinem!

Habacuc 2:20

Pero te Jehová ay ta ch'ul Templo yu'un; ¡ch'aban me ta stojol spisil te q'uinale!

Amós 6:10

Te smohlol-ts'ahquil ya yich'be loq'uel ta na te sbaq'uetalic yu'un ya schic'ticlan, soc hich ya sjoc'obe te mach'a ay ta yutil te na: ¿Ay to bal mach'a sjoquinejat? xchi. Mayuc, xchi te yane. Soc hich me ya yal xan: Ch'aban, ma xhu' ya jtahtic ta halel te sbihil Jehová, xchi.

Jeremías 14:20

Jehová, jna'ojcotic te bin chopol jpasojcotic soc te smul te jme'jtatcotic, como jtahoj jmulcotic ta atojol.

Salmos 39:2

Ch'abon ta c'op, ma ba c'opojon, ni ha'uc loc' ta que te bin lec ta halele, pero bayel xan te jwocole.

Deuteronomio 32:32

Como ta sch'oxal Sodoma talem te sch'oxalic, soc ta sq'uinal Gomorra; te ts'usubetic yu'unic ya xmilawan, mero ch'a te jchejelchej yu'unic.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Isaías 47:5

Hich ya yal: Huhcana aba, ch'aban, ochan ta yihc'al q'uinal, yantsil-nich'anat te caldeohetic, yu'un ma ba hich ya xhalotix ac'oblal: ajwalil-antsat yu'un nacionetic, ma xchihuc ac'oblal.

Jeremías 3:25

Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.