Jeremías 8:13 - Bible in Tzeltal Bachajón

¹³ Ya jlajimbe spisil, xchi te Jehová, ma ba ya xhil ts'usub ta sc'ab, mayuc higohetic ta ste'el, ya xluhbaj ya'binal, te bintic ca'beyej, ya xc'ax ta stojolic, xchi.

Bible in Tzeltal de Oxchuc y Tenejapa

¹³ Te Cajwaltic jich ya yal: —Ya jset' te lum cu'une, jich bit'il trigo. Ma me ayuc ya xjil jp'ijuc ta ts'usubil, ni ma me ayuc jp'ijuc higo ya xjil ta ste'el. Ja' nax me c'anubenic ya xjil te yabenale —xi'.

Jeremías 8:13 Referans Kwoze

San Mateo 21:19

C'alal la yil jtehc' higuera ta ti'be, baht yil, pero mayuc sit la stahbe, ha nax ya'binal; hich la yalbe te te'e: Ma me jaymehl ya sitinat, la yut. Ora taquij te higuera.

Joel 1:7

La slajimbon te ts'usubil cu'un, soc la set'bon te higuera cu'un; la scho'bon spat, la sch'oj cohel, sac hil te sc'abc'ab yu'un.

Jeremías 17:8

Hich ya xc'oht te bin ut'il jtehc' te' ts'umbil ta ti'ha' te ya yac' bahel slohp' ta banti ya x'oquin bahel te ha'e. Ma ba ya xi' te c'alal ya xtal sc'uxul c'ahc'al, stalel yax ya'binal a. Ta ha'bil te ya xtaquij te q'uinal ma ba ya smel yo'tan soc ma ba ya xquehchaj ta yaq'uel sit.

Santiago 1:11

Como te c'alal ya xloc' tal c'ahc'al, ya xtaquij yu'un sq'uixinal, ya xluhbaj snich, ya xlaj yutsil. Hich nix ya xtaquij te mach'a jc'uhlej ta banti spisil te ya'tele.

Hageo 2:17

La jlajimbeyex ta scuenta q'uixin ic', stotol soc bat spisil ya'tel ac'abic, pero ma ba la asuhtes awo'tanic ta jtojol, xchi te Jehová.

Hageo 1:11

La jquic' talel te sq'uepelal q'uinal ta stojol te lumq'uinal soc ta witsiltic, ta stojol te trigo, vino, aceite soc spisil bintic ya xcol ta lumq'uinal, ta stojol te ants-winiquetic soc te chambahlametic, soc ta stojol spisil ya'tel ac'ab, xchi.

Habacuc 3:17

Aunque ma xnichin te higuera, soc mayuc sit te ts'usubiletic, aunque ma xyac' sit te olivo, soc mayuc bin ya yac' te chahpambil q'uinal, aunque mayuquix tuminchijetic ta stsobojibal yu'unic, soc mayuc wacaxetic ta corral,

Jeremías 5:17

Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Isaías 5:10

Te oxeb hectárea ts'usubil ha nax ya yac' jun bato, te jun homer sbac' sts'unubil ya yac' jun efa.

Levítico 26:20

Tojol yac alajin awipic, como te q'uinal awu'unic mayuc bin ya yac' soc ma ba ya yac' sit te te'etic ay ta q'uinale.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Oseas 2:12

Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Jeremías 14:15

Ha yu'un hich yaloj Jehová sc'oblal te jalwanejetic te ay bin ya yalic ta scuenta te jbihil, te ma ba jticonej, soc te hich ya yalic: Ma xtal espada o wi'nal ta q'uinal ini, te xchihique. ¡Ya xlajic ta espada soc ta wi'nal te jalwanejetic ini!

Ezequiel 22:31

Ha yu'un la jmal cohel quilimba ta stojolic. La jlajinlan ta scuenta sc'ahc'al quilimba, la jcac' suhtuc ta stojolic te bintic spasojic, xchi te Jehová, te Ajwalil.

Malaquías 3:11

Soc ya jcombeyex te jlajinwanej, ma ba ya slajimbeyex te sit awawal ats'unubic, soc te ts'usubil awu'unic ma yu'unuc ma ba ya sitin.