Jeremías 7:34 - Bible in Tzeltal Bachajón

³⁴ Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Bible in Tzeltal de Oxchuc y Tenejapa

³⁴ Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Jeremías 7:34 Referans Kwoze

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Oseas 2:11

Ya jch'aybe spisil te stse'elil yo'tan, te q'uinetic yu'un, te yach'il u, c'ahc'aletic yu'un cux-o'tanil, soc spisil te muc'ul q'uinetic ya spas.

Ezequiel 26:13

Ya cac' ya xlaj te sc'op c'ayojetic awu'un, soc ma ba ya xchicnajix sc'op te arpahetic awu'une.

Jeremías 25:10

Ya cac' ch'ayuc bahel te sc'op tse'el-o'tanil soc yutsil-o'tanil, te sc'op mach'atic slecolinej sbahic, te sc'op molino soc te sc'ahc'al tsumbil c'ahc'.

Jeremías 16:9

Como hich yaloj te Jehová te scuentahinej spisil, te Dios yu'un Israel: Ya cac' te ya xquehchaj ta lugar ini, ta atojolic soc ta yorahil awu'unic, te sc'op tse'el-o'tanil soc yutsil q'uinal, soc te sc'op mach'atic slecolinej sbahique.

Isaías 1:7

Jihnemix te aq'uinal, lajic ta chiq'uel te pueblohetic awu'unic; ta asitic la swe'beyex te ts'unub awawalic te jyanlumetic, jihnem, hich te bin ya yich' jinel yu'un jyanlumetic.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Miqueas 7:13

Jochol taquin q'uinal ya xc'oht te q'uinal ta scaj te mach'atic nahinemic tey a, ta scaj te sit te ya'telique.

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Isaías 3:26

Te ochibaletic yu'un Sión ya me x'oq'uic soc ya me smel yo'tanic, te bin ut'il ch'aybil ta o'tanil, ya shuhcan sba ta lum.

Jeremías 33:10

Hich yaloj te Jehová: Ta lugar ini te yac awalic te ha jochol q'uinal, te mayuc ants-winiquetic o chambahlametic, ya me schicnaj ta pueblohetic yu'un Judá soc ta callehetic ta Jerusalén te jochol, te mayuc mach'a nahinem tey a, ni ants-winiquetic ni chambahlametic,

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Salmos 78:63

Lajic ta c'ahc' te queremetic yu'unic, soc te ach'ixetic yu'unic ma ba c'ayojtaybotic c'ayojetic scuenta nuhpunel.

Jeremías 22:6

Te Jehová hich ya yalbe sc'oblal te sna ajwalil yu'un Judá: Hich c'ohemat ta jtojol te bin ut'il Galaad, hichat te bin ut'il te ba wits yu'un Líbano; pero ya me jc'atp'unat ta jochol taquin q'uinal, hich ya xc'ohat te bin ut'il pueblohetic te mayuc mach'a nahinem tey a.

Jeremías 27:17

Ma me xawa'iybeyic te sc'opique; ac'a abahic ta a'batinel yu'un te ajwalil yu'un Babilonia, hich ya xcuxajex. ¿Bin yu'un ya yich' jinel te pueblo ini?

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Lamentaciones 5:14

Mayuquix mamaletic ta yochibal te pueblo, ma ba ya xc'ayojinic te queremetique.

Job 3:7

Ayuc bin ut'il mayuc bin chicnaj a te ahc'abal ini, manchuc chicnaj junuc c'ayoj tey a.

Jeremías 4:26

La jquil, c'atp'ujem ta jochol taquin q'uinal te yaxal q'uinale, soc spisil te pueblohetic yu'un jihnticlambilic ta stojol te Jehová, ta stojol te sc'ahc'al yilimba.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Ezequiel 7:11

Hahchemix te uts'inwanej hich te bin ut'il xul yu'un bin chopol. Mayuc mach'a ya xhil yu'unic, ma ha'uc te tsobol yu'unic, ma ha'uc jtuhluc mach'a ay yu'unic, soc mayuc mach'a te ya yoq'uetay.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.