Jeremías 7:29 - Bible in Tzeltal Bachajón

²⁹ ¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Bible in Tzeltal de Oxchuc y Tenejapa

²⁹ Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Jeremías 7:29 Referans Kwoze

Job 1:20

Ha yu'un te Job la stehc'an sba, la sch'i' snahtil-c'u', la sjoch stsotsel sjol yu'un, la squejan sba ta lum, la sch'uhuntay,

Miqueas 1:16

Bula loq'uel, quits'a stsotsel ajol, yu'un te awal-anich'nab te c'ux ta awo'tane; t'axana ajol hich te bin ut'il sjol te hos, como namal ya xbahtic ta chuquel ta atojol.

Jeremías 6:30

Ya x'a'bot sbihilinic ch'aybil plata, como te Jehová la sch'ay bahel, xchi.

Jeremías 16:6

Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

Hechos 2:40

Bayel to xan bintic halbotic yu'un soc tsitsotic yu'un, hich la yal: Coltaya loq'uel abahic ta yohlil te chopol jcaj ts'umbalil ini, xchi.

San Mateo 23:36

Jamal ya calbeyex, ta spisil ini ya xc'oht ta stojol ha'i jcaj ts'umbalil ini.

San Mateo 16:4

Te jcaj ts'umbalil te chopol soc te ha j'antsiwej ha ya sc'an ya yilic seña, pero mayuc seña ya x'a'bot yilic, ha nax seña ya xc'oht te jalwanej Jonás, xchi sc'oblalic. Tey tec'ajtic hilel a, baht te Jesús.

San Mateo 12:39

La sjac' te Jesús: Te jcaj ts'umbalil te chopol yo'tanic soc te j'antsiwejetic ya sc'an ya yilbonic seña cu'el, pero mayuc seña ya x'a'bot yilic, ha nax te seña te jalwanej Jonás.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Ezequiel 28:12

Snich'anat winic, c'ayojtaybeya c'ayoj scuenta mel-o'tan te ajwalil yu'un Tiro, hich xawalbe: Hich yaloj te Jehová: Ha'at sellohat yu'un te bin mero lec, nojelat ta p'ijil-o'tanil soc mero lec at'ujbilal.

Ezequiel 19:1

Hacha c'ayoj scuenta oq'uel ta stojol te príncipaletic yu'un Israel.

Jeremías 48:37

Como loq'uesbil stsotsel sjolic spisilic, soc spisil yisimic loq'uesbilic; ehchentesbil spisil sc'abic soc spisil slapojic ch'ixal pac'.

Jeremías 47:5

La sloq'ues stsotsel sjolic te mach'atic yu'un Gaza, te mach'atic yu'un Ascalón uma' hilic. Ha'ex te hilemex ta spamlej ¿jayeb xan ora yac aboj abaq'uetalic?

2 Reyes 17:20

Ha yu'un te Jehová la sloq'ues ta stojol spisil te sts'umbal Israel, la ya'be swocolic soc la yac' ta sc'ab jpoj-biluquetic ha to c'alal jc'axel la sloq'ues ta stojol.

Deuteronomio 32:5

Pero chopol bin la spasbeyic, ma ha'uquix yal-snich'nab ta scaj te bin chopol spasojic; ha jcaj ts'umbalil te ma ba toj soc chopol yo'tanic.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Jeremías 3:2

Toya mohel asit ta toyol t'axal q'uinal, ilawil teme ay banti ma ba la awac' aba ta antsinel. La ahuhcan aba ta ti'be ta smahliyel te mach'a yac awac' aba ta antsinel yu'un, hich te bin ut'il jtuhl árabe ta jochol taquin q'uinal. La abohlobtes te q'uinal ta scuenta te antsinel awu'un soc achopolil.

Jeremías 3:21

Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 12:7

La jquihquitay hilel jna, la jloq'ues ta co'tan te bin a'boton quich'; la jcac' ta sc'ab scontratac te mach'a c'ux ta co'tan.

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

Lamentaciones 5:22

O ¿jc'axel bal la aloq'uesotcotic ta atojol soc jc'axel bal ilinemat ta jtojolcotic?

Amós 5:1

A'iya awa'iyic te c'op ini scuenta mel-o'tan te ya cal ta atojolic, sna Israel:

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.