Jeremías 7:25 - Bible in Tzeltal Bachajón

²⁵ c'alal bin ora loq'uic tal ta Egipto te ame'atatic c'alal yo'tic. Bayel buelta la jticonlambeyex spisil te a'batetic cu'un, ha te jalwanejetique.

Bible in Tzeltal de Oxchuc y Tenejapa

²⁵ Ja' to c'alal loq'uic tel ta Egipto te antiguo ame'-atatique, asta c'alal ora yo'tic, ay la jticunbeyex ta spisil te abatetic cu'une, ja' te j'alwanejetique.

Jeremías 7:25 Referans Kwoze

Jeremías 25:4

Aunque te Jehová bayel buelta la sticon tal ta atojolic te a'batetic yu'un, ha te jalwanejetic, ma ba la awa'iyic, ma ba la awich'ic ta cuenta.

2 Crónicas 36:15

Te Jehová te Dios yu'un te sme'stat spisil ora la sc'oponlan ta scuenta te jal-c'opetic yu'un, como ay sc'uxul yo'tan ta stojol te pueblo yu'un soc te Templo yu'une.

Ezequiel 2:3

Hich la yalbon: Snich'anat winic, ya jticonat bahel ta stojol te snich'nab Israel, ta stojol te toyba nación te stoyoj sba ta jtojole. Ha'ic soc te sme'static ta cajalcaj stoyoj sbahic ta jtojol c'alal ora.

Jeremías 7:13

Yo'tic, te bin ut'il hich apasojic spisil ini, xchi te Jehová, soc te bin ut'il la jc'oponlanex, pero ma ba la awa'iyic, soc la jquiq'uex, pero ma ba la ajac'bonic,

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Nehemías 9:30

Bayel ha'bil cuhch awu'un, soc la atsits ta scuenta te espíritu awu'un ta scuenta te jalwanejetic awu'un, pero ma ba la sc'an la ya'iyic. Ha yu'un la awa'be ta sc'ab te nacionetic ta q'uinal.

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

San Lucas 11:49

Ha scuentahil te hich halbil ta scuenta sp'ijil yo'tan te Diose: Ya jticombe jalwanejetic soc jpuc-c'opetic; ay me ya smilic soc ay me ya yuts'inic, te xchihe.

2 Crónicas 24:19

Hich la sticombe jalwanejetic ta stojolic yu'un yacuc suhtes yo'tanic ta stojol Jehová. Te jalwanejetic la stsitsic, pero ma ba la yich'ic ta cuenta.

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 25:3

C'alal ta yoxlajunebal (13) ha'bil te ay ta ajwalil yu'un Judá te Josías snich'an Amón c'alal ora yo'tic, ha oxeb scha'winic (23) ha'bil, talem ta jtojol te sc'op Jehová, soc spisil ora la jc'oponlanex, pero ma ba la awa'iyic.

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.

Jeremías 35:14

Ch'uhumbil te sc'op Jonadab snich'an Recab, te la spas ta mandar te snich'nab te ma me xyuch'ic vino, hich c'alal ora mayuc yuch'ojic vino, yu'un sch'uhumbeyejic smandar te state. Yan te ho'one, bayel buelta la jc'oponex, pero ma ba la awich'onic ta cuenta.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Oseas 12:10

La jc'opon te jalwanejetic, la jca'be yilic bayel nahalsitiletic, soc la jcal sloc'ombahil c'op ta scuenta te jalwanejetique.

Amós 2:11

La jach jalwanejetic ta yohlil awal-anich'nab, soc nazareohetic ta yohlil te ach'ix-queremetic awu'unique. ¿Ma bal hichuc, sts'umbalex Israel? xchi te Jehová.

Malaquías 3:7

C'alal ta yorahil ame'atatic la awihquitayic hilel te leyetic cu'un, ma ba la acanantayic. ¡Suhtanic tal ta jtojol, hich ya suhton tal ta atojolic! xchi te Jehová te scuentahinej spisil. Pero yac awalic: ¿Bin ut'il ya suhtotic? xchihex.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.