Jeremías 7:16 - Bible in Tzeltal Bachajón

¹⁶ Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

Bible in Tzeltal de Oxchuc y Tenejapa

¹⁶ La yalbon te Cajwaltique: —Ja'at, Jeremías, ma me xac'oponon yu'un in lum to, ma xawalbon wocol yu'un, ma xc'opojat yu'unic. Ma me xasujon, melel ma me xcaiybat stojol.

Jeremías 7:16 Referans Kwoze

Jeremías 11:14

Ha yu'un ha'at Jeremías, ma me xac'opombe Dios yu'un te pueblo ini, ma me x'awonat ta scuentahic o ma me xac'opombe Dios ta stojolic, como ma ba ya ca'iy te bin ora ya yawtayon yu'un te swocolique.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Éxodo 32:10

Ha yu'un ihquitayawon yu'un ya cac' tihluc hahchel quilimba ta stojolic, ya jlajinlan. Yan te ha'ate muc'ul nación ya xc'ohat cu'un, xchi.

Jeremías 18:20

¿Ya bal yich' tojel ta bin chopol te bin lec, te bin ut'il la sjoc'bonic jch'enal? Na'a me te la jtehc'an jba ta atojol yu'un ya cal te bin lec ta scuentahic, yu'un ya xloc' bahel ta stojolic te awilimba.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

Miqueas 3:4

Ya me sta yorahil te yac awawtayic te Jehová, pero ma ba ya sjac'beyex ac'opic; ta hich ora ya me snac' sit yelaw ta atojolic ta scaj te chopol awa'telique.

Deuteronomio 9:14

Ma me xacomon te ya jlajinlan soc te ya jtup'be sbihilic ta ye'tal ch'ulchan. Yan te ha'ate ya cac' te muc'ul nación ya xc'ohat te c'ax hich yip soc te c'ax hich yipalic a te bin ut'il te pueblo ini, xchi.

2 Samuel 8:18

te Benaía snich'an Joiada scuentahinej te cereteohetic soc te peleteohetic; te snich'nab David ha príncipaletic.

Jeremías 7:17

¿Ma bal awilojuc te bintic ya spasic ta pueblohetic yu'un Judá soc ta callehetic ta Jerusalén?

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.