Jeremías 6:6 - Bible in Tzeltal Bachajón

⁶ Hich la yal te Jehová te scuentahinej spisil: Ts'etahic te'etic, busanahic mohel lum ta spat ts'ahc ta scontrahinel te Jerusalén. Te muc'ul pueblo ini ya sc'an ya x'a'bot castigo, como nojel ta uts'inel.

Bible in Tzeltal de Oxchuc y Tenejapa

⁶ Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Jeremías 6:6 Referans Kwoze

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;

Isaías 37:33

Ha yu'un hich ya yal te Jehová sc'oblal te ajwalil yu'un Asiria: Ma ba ya x'och ta pueblo ini, soc ma ba ya st'im tal ya'tejibalul st'ihmalte' tey a. Ma ba ya xtal soc smahquil soc ma ba ya spas smohib ta spat ts'ahc yu'un.

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Jeremías 32:31

C'alal hahch ta spasel te pueblo ini ha to c'alal ora yo'tic ha nax la shachbon te sc'ahc'al co'tan soc quilimba; ha yu'un ya jloq'ues bahel ta jtojol

Jeremías 33:4

Como te Jehová, te Dios yu'un Israel, hich yalbeyej sc'oblal te nahetic ta pueblo ini soc te nahetic yu'un te ajwaliletic yu'un Judá te la yich'ic jinel yu'un ya scoltay sbahic a ta stojol te busambil mohel lum soc ta stojol te espada,

Ezequiel 4:2

Ac'a ta joytayel ta guerra, pasa a'tejibaletic yu'un guerra ta sjoyobal, busambeya smohibalul ta spat, pasa campamento ta sjoyobal, soc ac'a a'tejibaletic yu'un sjinel ts'ahc.

Ezequiel 5:5

Hich yaloj te Jehová, te Ajwalil: Ha Jerusalén ini; la jcac' ta yohlil te nacionetic soc te yantic q'uinaletic ta sjoyobal.

Daniel 11:15

Ya xtal te ajwalil ta norte, ya sbut'be hahchel lum ta sjoyobal te ts'ahc, ya me yu'untay te muc'ul pueblo te ay yip te sts'acule. Te soldadohetic ta sur ma xhu' smacbelic, ni ha'uc te tsahbil soldadohetic yu'un, como mayuc yipic ta scomel.

Sofonías 3:1

¡Obol sba te toyba pueblo, te bohloben sc'oblal soc te ha j'uts'inwanej!

Jeremías 5:9

¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Jeremías 5:29

¿Ma bal yacuc ca'be castigo yu'un? xchi te Jehová. ¿Ma bal yacuc ca'be spacol te nación te hich yilel stalel?

Jeremías 20:8

Te jujun buelta te ya xc'opojon, hich ya x'awonon: ¡Ay uts'inel soc jinel! xchihon, como te sc'op Jehová la yac'on ta ixta'c'optayel soc labanel jujun c'ahc'al.

Jeremías 39:1

Ta slajunebal u yu'un te sbalunebal ha'bil yochel ta ajwalil yu'un Judá a te Sedequías, te Nabucodonosor ajwalil yu'un Babilonia soc spisil te soldadohetic yu'un la sjoytayic ta guerra te Jerusalén.