Jeremías 6:26 - Bible in Tzeltal Bachajón

²⁶ ¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Bible in Tzeltal de Oxchuc y Tenejapa

²⁶ Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Jeremías 6:26 Referans Kwoze

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Jeremías 4:8

Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.

San Lucas 7:12

C'alal nopol ya xc'ohtix ta yochibal te pueblo, yac yic'belic bahel mach'a chamen, hip jtuhl a te yal me'ba' ants; soc joquimbil bahel yu'un tsobol ants-winiquetic yu'un te pueblo.

Amós 8:10

Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.

Lamentaciones 4:10

Te antsetic te ay sc'uxul yo'tanic, ta sc'abic nix la spayic te yalataque; ¡ha nix te yalatac tuhun yu'un swe'elic, ta yorahil sjinel te jlumale!

Lamentaciones 4:6

C'ax hich smul c'oht a te jlumal te bin ut'il te smul Sodoma, te ora nax jinot, aunque mayuc mach'a tal ta contrahinel yu'un.

Lamentaciones 4:3

Te yantsilel ha'mal ts'i' ya to nix ya'be schu'ic te yalatac, pero te yantsilal jlumal c'ax chopol yo'tan, hich te bin ut'il te avestruz-mutetic te ay ta jochol taquin q'uinal.

Lamentaciones 3:48

Yac ta loq'uel ya'lel jsit hich te bin ut'il muc'ul ha', yu'un te la yich' jinel te jlumale.

Lamentaciones 2:11

Ya xlaj yip jsit yu'un te oq'uele, ya syuc' sba ya ca'iy te jch'uhte; ya xmal cohel jch'a ta lum ta scaj te la yich'ix jinel te pueblo cu'une; te alaletic soc te chu'alaletic yaquic ta lajel ta callehetic yu'un te pueblo.

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Lamentaciones 1:2

Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.

Jeremías 15:8

C'ax hich me'ba' antsetic yu'unic a te bin ut'il shi'al mar. Ta ohlil c'ahc'al la jquic' tal jinawal ta stojol te naniletic yu'un te queremetic; ora nax la jcac' tal wocol soc tulan xiwel ta stojolic.

Jeremías 14:17

Ya me awalbe te c'op ini: Ac'a maluc loq'uel ya'lel jsit ta c'ahc'al ahc'abal, ma xquehchaj, como te ach'ix yu'un te pueblo cu'un c'ax xiweltic sba swocol, como bayel sc'uxul te yehchene.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 8:21

Ay jwocol yu'un te swocol te jlumale; ayon ta mel-o'tan, la yu'untayon tulan xiwel.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Jeremías 6:14

Sba nax ya spoxtaybeyic yehchen te pueblo cu'une, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 4:11

Ta hich ora hich ya xhalbot te pueblo ini soc Jerusalén: Ya xtal ta stojol te pueblo cu'un q'uixin ic' te ya xloc' tal ta toyol jochol taquin q'uinal, ma ha'uc yu'un ya sten bahel spat trigo o ya yic'ay;

Isaías 32:11

¡Nihcanic, ha'ex te mayuc bin ay sc'oblal ta awo'tanic; nihcuc awo'tanic, ha'ex te jun awo'tan ayex! ¡Loq'uesa ac'u' apaq'uic, watal me ya xhilex, chuca ach'uhtic soc ch'ixal pac'!

Isaías 30:13

ha yu'un te mulil ini hich ya xc'oht awu'unic te bin ut'il toyol ts'ahc te jatem, te nopol ya xhemts'uj, te jts'ihn nax ya xch'ay cohel.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 22:4

Ha yu'un hich la jcal: Ihquitayawon, ac'awon ta tulan oq'uel; ma me xamuc'ubtesbon q'uinal ca'iy yu'un te jihnem te pueblo cu'un, xchihon.

Génesis 21:16

namal baht shuhcan sba, hich snahtil te bin ut'il ya xjahc stirohil t'ihmalte', yu'un hich la yal ta yo'tan: Ma jc'an ya quil ya xcham te quereme, xchi. Tey hucul a, hahch ta oq'uel te quereme.

Job 2:8

Te Job hucul ta tan a, la stsac xeht'elul oxom yu'un ya sjot' sba a.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Jeremías 18:22

¡Ac'a chicnajuc awetic ta snahic te c'alal jts'ihn nax yac awic'be tal ta stojolic jpoj-biluquetic! yu'un la sjoq'uic ch'en yu'un ya stsaconic, soc la snac'bonic jyacol ta banti ya xc'oht te coque.

Lamentaciones 3:16

La swac'bon sbaquel que ta sjach'el hi', la smucon ta stanul c'ahc'.

Jonás 3:6

Te c'alal c'oht te c'op ta stojol te ajwalil yu'un Nínive, la stehc'an sba ta banti hucul, la schol loq'uel te sc'u', la slap pac' scuenta mel-o'tan soc la shuhcan sba ta tan.

Job 15:21

Ay bin xnilet ya ya'iy ta schiquin te xiweltic sba; te c'alal lamal q'uinal ya ya'iy, ya xtal te jlajinwanej ta stojol.

Isaías 3:24

Te sumet yic' perfume ya sutp'ij ta bin tu; te schuhquil ch'uhtic ya sutp'ij ta lazo; te buen ch'albil sjolic ya sutp'ij ta t'axjol; te t'ujbil sc'u'ic ya sutp'ij ta ch'ixal pac'; te st'ujbilalic ya sutp'ij ta bin c'ahq'uem.

Jeremías 30:5

Hich yaloj te Jehová: ¡Chican awetic yu'un xiwel, tulan xiwel, ma ha'uc sc'op lamal q'uinal!