Jeremías 6:25 - Bible in Tzeltal Bachajón

²⁵ ¡Ma me xloc'at bahel ta aquiltic, ma me xbehenat ta behbetic, como ay espada yu'un te contra, soc bayuc ay xiwel!

Bible in Tzeltal de Oxchuc y Tenejapa

²⁵ Ma me xloq'uex bael ta aquiltic, ma me xbaex ta bebetic. Te controe chapal me; ay me muc' xiwel ta spisil ta bayuc —xiic.

Jeremías 6:25 Referans Kwoze

Jeremías 49:29

Ya me yich'beyic te snahilpaq'uic soc te tuminchijetic yu'unic, te smuhquil snahilpaq'uic, spisil te sbiluquic, soc te camellohetic yu'unic ya me yiq'uic, soc hich me ya yalbeyic ta aw: ¡Ay xiwel ta bayuc! xchihic.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 14:18

Teme ya xloc'on bahel ta aquiltic, ya quilticlan te mach'atic lajic ta espada; teme ya x'ochon bahel ta pueblo, ya quilticlan te jchameletic ta scaj wi'nal. Te jalwanej soc te sacerdote bayuc ya xbehenic ta q'uinal, mayuc bin ya sna'ic, xchi.

Salmos 31:13

Ya ca'iybe te swulwulc'opic tsobolic; ya sjoytayon xiwel, ya schap sc'opic yu'un scontrahimbelonic, soc ya snopic te ya smilonique.

Job 18:11

Ta bayuc ya xiwtesot yu'un te xiwele, nutsbil ya ya'iy ta bayuc ya xbehen.

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Jeremías 4:5

Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Isaías 1:20

yan teme ma xac'anic soc teme yac atoy abahique, ya me xlajex ta espada, xchi. Hich yaloj te Jehová.

2 Crónicas 15:5

Ta hich ora mayuc lamal q'uinal yu'un te mach'a ya xtal xbaht, ay bayel wocol ta stojol spisil mach'atic nahinemic ta q'uinal.

Jeremías 30:5

Hich yaloj te Jehová: ¡Chican awetic yu'un xiwel, tulan xiwel, ma ha'uc sc'op lamal q'uinal!

Jeremías 46:5

¿Bin yu'un ya quil te bayel ayic ta xiwel, te suhtic bahel? Tsalbilic te soldadohetic yu'unic, loq'uiquix bahel ta ahnimal, ma ba la yilic suhtel ta spatic. ¡Bayuc ay xiwel! xchi te Jehová.

Lamentaciones 2:22

La awic'ticlan tal ta bayuc te jcontratac, hich te bin ut'il ta sc'ahc'alel q'uin. Ta sc'ahc'alel yilimba Jehová mayuc mach'a col, mayuc mach'a cuxul hil. Te mach'atic la jcoltes soc te la jcanantay, ¡lajinot yu'un te jcontrahe!

Jeremías 8:15

La jmahliytic lamal q'uinal, pero mayuc bin lec te tale, la jmahliytic yorahil poxtayel, pero ha nax ay tulan xiwel.

Jeremías 49:5

Ilawil, ya quic' tal xiwel ta atojol te ya xtal ta stojol spisil mach'atic ayic ta ajoyobal, xchi te Jehová te scuentahinej spisil. Jujutuhl toj ya yich'ic tenel bahel, mayuc mach'a ya stsob talel te mach'atic loq'uic ta ahnel.

Ezequiel 7:18

Ya me slapic ch'ixal-pac' soc ya xmucotic yu'un tulan xiwel; ay q'uexlal ta spisil sit yelaw, soc quits'bil spisil stsotsel sjolic.

Ezequiel 21:17

Ha nix hichon ya jpac' jc'ab, ya cac' lahmajuc te quilimba. Ho'on, Jehovahon, calojix, xchi.