Jeremías 6:23 - Bible in Tzeltal Bachajón

²³ Chapalic soc st'ihmalte'ic soc slanzahic; ha j'uts'inwanejetic, mayuc xc'uxul yo'tanic. Te sc'opic hich ay te bin ut'il ya x'awon te mar, soc cajajtic ta cawu hich te bin ut'il winiquetic chapalic yu'un ya ya'bat guerra yantsil-nich'anat Sión, xchi.

Bible in Tzeltal de Oxchuc y Tenejapa

²³ Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Jeremías 6:23 Referans Kwoze

Isaías 13:18

Ta ya'tejibalul st'ihmalte'ic ya slajinic te queremetic; ma ba ya sna'beyic yo'bolil sbahic te mach'atic ayinelic to, soc ma ba ya sc'uxultay te alaletique.

Jeremías 50:42

Chapalic soc t'ihmalte' soc lanza; ha j'uts'inwanejetic soc mayuc sc'uxul yo'tanic. Te sc'opic hich te bin ut'il sc'op yip mar, cajajtic ta cawu. ¡Hich scholoj sbahic te bin ut'il winiquetic yu'un guerra ta scontrahinelat, yantsil-nich'anat Babilonia!

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 5:16

Te ya'tejibal t'ihmalte' yu'unic hich c'ohemic te bin ut'il muquenal te jamal ay; spisilic ay yipic yu'un guerra.

Jeremías 4:29

Ta scuenta yawic te mach'atic mohemic ta cawu soc te mach'atic ya yaq'uic t'ihmalte', spisil te pueblohetic ya xloq'uic ta ahnel; ya snac' sbahic ta pimil q'uinal, ya xmohic bahel ta toyol tontiquil; spisil te pueblohetic ihquitayotic hilel, mayuc mach'a ya xnahin tey a.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Isaías 19:4

Ya cac' te Egipto ta sc'ab yajwal te mero tulan, ya xcuentahinotic yu'un jtuhl ajwalil te ya x'uts'inwan, xchi te Jehová te scuentahinej spisil.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Isaías 10:32

Yo'tic nix ya xquehchaj ta behel ta Nob, ya shach sc'ab ta scontrahinel te wits yu'un te yantsil-nich'an Sión, ta scontrahinel te wits yu'un Jerusalén.

Isaías 17:12

¡Ay, te xjuyet bayel pueblohetic ini, hich sc'opic te bin ut'il xju'et mar! ¡Ay, te xjuyet nacionetic ini, hich sc'opic te bin ut'il xnilet bayel ha'etic!

Jeremías 6:4

¡Chahpana guerra ta stojol! ¡Hahchanic, ochucotic ta ohlil c'ahc'al! Pero obol jbahtic, mahlelix c'ahc'al, muq'uix bahel te axinale.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Ezequiel 21:31

soc ya jmal cohel quilimba ta atojol; ya cac' tihluc ta atojol te sc'ahc'al te quilimba soc ya cac'at ta sc'ab j'uts'inwanejetic, te ya sna'ic ta lec jinaw.

Jeremías 4:16

Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 25:32

Hich yaloj te Jehová te scuentahinej spisil: Ya me xc'ax bahel tulan wocol ta stojol jujun nación; ya xhahch tulan ic'al-ha'al c'alal ta sti'il bahlumilal, xchi.

Jeremías 50:41

Ilawil, ya xtalic soldadohetic ta stojol norte, jun muc'ul nación soc bayel ajwaliletic ya xhahchic tal ta sti'il te q'uinale.