Jeremías 6:22 - Bible in Tzeltal Bachajón

²² Hich yaloj te Jehová: Ilawil, yac ta talel jun pueblo ta q'uinal ta stojol norte, jun muc'ul nación ya xhahch ta sti'il te bahlumilale.

Bible in Tzeltal de Oxchuc y Tenejapa

²² Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 6:22 Referans Kwoze

Jeremías 10:22

¡A'iya awa'iyic, ay bin hul ta halel! Bayel xjuyet yac ta talel ta q'uinal ta stojol norte, yu'un ya sutp'inic ta jochol q'uinal te pueblohetic yu'un Judá, ha sna ha'mal ts'i'etic ya xc'oht.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Jeremías 5:15

Sts'umbalex Israel, ya quic' tal ta atojol jun nación te namal ay, xchi te Jehová; jun nación te ay yip soc te nameyix, te ma xana'beyic sc'op, ma xawa'iy te bin ya yalique.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Nehemías 1:9

pero teme ya suhtex tal ta jtojol soc teme yac ach'uhumbonic te mandariletic cu'un, teme yac awaq'uic c'ohtuc ta pasele, aunque ya xpuhquex bahel ta sjehch sti'il ch'ulchan, tey ya jtsobex tal a, ya quiq'uex ta lugar te tsahbil cu'un te banti ya cac' nahinuc te jbihile, te xchihate.

Jeremías 4:6

¡Toyahic te bandera ta stojol Sión, ahnanic, ma me xacom abahic! Como ya xbaht quic' tal ta stojol norte tulan wocol soc muc'ul jinel.

Jeremías 13:20

Toya mohel asitic soc ilawilic te mach'atic yaquic ta talel ta stojol norte. ¿Banti ay te jtsohb tuminchij te a'botat, te t'ujbil tuminchijetic awu'une?

Jeremías 47:2

Hich yaloj te Jehová: Ilawil, yac ta nojel ha' ta stojol norte, ya sutp'ij ta tulan snojel ha'; ya me smuc te q'uinal soc spisil bintic ay tey a, te pueblohetic soc te mach'atic nahinemic tey a. Ya x'awonic te ants-winiquetic, spisil te mach'atic nahinemic ta q'uinal ya me x'oq'uic,

Ezequiel 21:31

soc ya jmal cohel quilimba ta atojol; ya cac' tihluc ta atojol te sc'ahc'al te quilimba soc ya cac'at ta sc'ab j'uts'inwanejetic, te ya sna'ic ta lec jinaw.

Jeremías 4:16

Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Jeremías 5:16

Te ya'tejibal t'ihmalte' yu'unic hich c'ohemic te bin ut'il muquenal te jamal ay; spisilic ay yipic yu'un guerra.

Jeremías 25:32

Hich yaloj te Jehová te scuentahinej spisil: Ya me xc'ax bahel tulan wocol ta stojol jujun nación; ya xhahch tulan ic'al-ha'al c'alal ta sti'il bahlumilal, xchi.

Jeremías 30:5

Hich yaloj te Jehová: ¡Chican awetic yu'un xiwel, tulan xiwel, ma ha'uc sc'op lamal q'uinal!

Ezequiel 23:22

Ha yu'un, Aholiba, hich yaloj te Jehová, te Ajwalil: Ya cac' scontrahinat te mach'atic la smulanat, te mach'atic la ap'aj, ya cac' te ya xtal scontrahinat ta ajoyobal:

Habacuc 1:6

Como ya jach te caldeohetic, jun nación te bayel ya x'uts'inwan soc ora ya suj sba, te ya xbehen ta sjamalil te q'uinal yu'un ya yu'untay q'uinaletic te ma yu'unuc.