Jeremías 6:21 - Bible in Tzeltal Bachajón

²¹ Ha yu'un hich ya yal te Jehová: Ya cac' te bin ya sc'ohchin sba a te pueblo ini, pajal ya xyahlic tey a te tatiletic soc al-nich'aniletic; ya xch'ayic bahel te spat-xuhquic soc mach'atic jun yo'tan sbahic, xchi.

Bible in Tzeltal de Oxchuc y Tenejapa

²¹ Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Jeremías 6:21 Referans Kwoze

Isaías 8:14

Ha ch'ul awilal ya xc'oht; pero ha ton scuenta c'ohchinojibal ya xc'oht soc ha jyahlteswanej ya xc'oht ta stojol te cheb na yu'un Israel, ha lazo soc syacol te mach'a nahinem ta Jerusalén.

Ezequiel 3:20

Soc te mach'a toj yo'tan, teme ya yihquitay hilel te tojil-o'tanil yu'un, teme ya spas te bin chopole, teme ya cac' te bin ya sc'ohchin yoc a, ya me xlaj, como ma ba la atsits. Ya me xlaj ta scaj te smule, te bintic toj la spasticlan ma ba ya x'ich'otic ta cuenta; pero ya ca'bat ta acuenta te sch'ich'ele.

Jeremías 13:16

Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

1 Pedro 2:8

soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

Romanos 11:9

Soc hich ya yal te David: Ac'a sutp'ijuc ta syacolic soc ta stsacojibal te sq'uinique, ha sc'ohchinojibal soc castigo ac'a c'ohtuc yu'unic.

Romanos 9:33

hich te bin ut'il ts'ihbabil: Ilawil, ta Sión ya cac' jun ton scuenta c'ohchinojibal, soc muc'ul ton te ya xyahlteswan; te mach'a ha ya sch'uhun, ma ba ya sta q'uexlal yu'un, xchi.

Ezequiel 5:10

Ha yu'un te me'iltatiletic ya me sti'ic te yal-snich'anic te ayic ta awohlil, soc te al-nich'anetic ya me sti'ic te sme'statique. Ya cac' castigo ta atojol, soc te mach'atic cuxul ya xhilic ya jpucticlan bahel ta ic'.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

Levítico 26:37

Ya syahlteslan sbahic hich te bin ut'il yacalic ta ahnel yu'un espada, aunque mayuc mach'a nutsbilic yu'un. Ma xhu' awu'unic te yac atehc'an abahic ta stojol te acontrahique.

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 18:23

Pero ha'at, Jehová, yac ana'be spisil te bin chapbil yu'unic yu'un ya smilonic. Ma me xapasbe perdón yu'un te schopolilic, soc ma me xatup'be ta atojol te smulique. ¡Ac'a sc'ohchin yoquic ta atojol, hich me xapasbe ta yorahil awilimba!

Isaías 8:15

Bayel mach'atic ya sc'ohchinic, ya xyahlic soc ya xjihnotic; ya yich'ic chuquel, tsacbil ya xhilic, xchi.