Jeremías 6:16 - Bible in Tzeltal Bachajón

¹⁶ Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Bible in Tzeltal de Oxchuc y Tenejapa

¹⁶ Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Jeremías 6:16 Referans Kwoze

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Deuteronomio 32:7

Na'a me te namey tal, ayuc me ta awo'tan te ha'biletic yu'un bayel ta jcaj ts'umbaliletic; joc'obeya atat, ha ya yalbat, joc'obeya te mamaletic awu'un, ha'ic ya ya'bat ana'.

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

Isaías 2:5

Conic, sna Jacob, behenucotic ta sacal q'uinal yu'un Jehová.

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Jeremías 18:12

Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 44:16

Ma ba ya quich'cotic ta cuenta te c'op la awalbotic ta scuenta Jehová.

Hebreos 11:2

Ha nix ta scuenta te lec c'oht sc'oblalic te antiguo me'iltatiletique.

San Juan 13:17

Teme hich ana'ojic, bayel me awutsilic teme hich yac apasique.

Malaquías 4:4

Na'ahic me te ley yu'un te ca'bat Moisés, te la jca'be ta Horeb, ha te halbil mandariletic soc te leyetic yu'un spisil Israel.

Hebreos 6:12

scuenta yu'un ma ba ya xch'ajubex, ha yac anopbeyic yo'tan te mach'atic te ta scuenta sch'uhunel yo'tanic soc te jun yo'tanic yaquic ta mahlab, ya yich'ic te bintic yaloj ta jamal te Diose.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

San Lucas 16:29

Yich'ojic te shun Moisés soc te jalwanejetic, ha ac'a ya'iybeyic sc'op, xchi te Abraham.

Isaías 28:12

ha te mach'atic hich la yalbe: Ha te cux-o'tanil ini, ac'a scux yo'tan te mach'a luhben. Li' ay te cux-o'tanil, xchi, pero ma ba la sc'an la ya'iyic.

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Romanos 4:12

Soc ha nix tatil yu'un te mach'atic ma ha'uc nax yich'ojic circuncisión, te ha ya st'umbeyic te sch'uhunel yo'tan te jtatic Abraham c'alal ma to yich'ojuc circuncisión a.

Jeremías 2:25

Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

1 Reyes 8:36

a'iybeya sc'opic c'alal ta ch'ulchan, pasbeya perdón te smulic te a'batetic awu'un, ha te pueblo Israel. A'beya snopic te lequil be te ya xbehenic bahel a, soc a'beya tal ha'al li' ta aq'uinal te la awa'be sq'uinalin te pueblo awu'une.

Salmos 116:7

¡Cuxa awo'tan yan buelta, jch'uhlel, como lec bin la spasbat te Jehová!

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Jeremías 31:21

A'beya señahiletic ta be, a'beya señahiletic te ya stojobtesat bahel; ilawil ta lec te be, te be te banti behenemat bahele. Suhtan tal, ach'ix Israel, suhtan tal ta pueblohetic awu'un.

Jeremías 42:3

C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Jeremías 50:5

Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

2 Crónicas 19:11

Te muc'ul sacerdote Amarías ha ya sjuquex ta spisil te bin ut'il ay ta ch'uhunel te Jehová; soc te Zebadías snich'an Ismael, te príncipal yu'un te sts'umbal Judá, ha ay ta scuenta bintic sc'oblal te ya'tel te ajwalil; soc te levitahetic ya ya'telic ta atojolic. Pasahic me tulan hiche. Te Jehová ya me sjoquin te mach'a lec bin ya spas, xchi.

Isaías 46:9

Na'ahic me te bintic c'ohem ta pasel ta namey; ho'on Dioson, mayuc yan; ho'on Dioson, mayuc yan pajalon soc.

Isaías 57:2

Pero te mach'a toj yo'tan ya x'och ta lamal q'uinal; ya scux yo'tanic ta smuquenalic spisil mach'atic toj ya xbehenic ta stojol Dios.

Jeremías 7:3

Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,