Jeremías 6:14 - Bible in Tzeltal Bachajón

¹⁴ Sba nax ya spoxtaybeyic yehchen te pueblo cu'une, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Bible in Tzeltal de Oxchuc y Tenejapa

¹⁴ Ya xpoxtaybonic yejch'en ta sc'opic te lum cu'une; ya yalic te lec ayic ta spisil te c'alal ma lecuc ayique.

Jeremías 6:14 Referans Kwoze

Ezequiel 13:10

Te bin ut'il la slo'loybonic te pueblo cu'un, te hich la yalbeyic: Lamal q'uinal, xchihic, pero mayuc lamal q'uinal; soc te c'alal ay mach'a ya spas ts'ahc, ha'ic nix ya sbonic ta tan.

Jeremías 23:17

Spisil ora hich ya yalbeyic te mach'atic ya sp'ajonic: Ya yal te Jehová te ay me lamal q'uinal ta atojolic, xchihic. Soc hich ya yalbeyic te mach'atic ya st'unic te tulan yo'tanique: Ma ba ya xtal ta atojolic te bin chopol, xchihic.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Lamentaciones 2:14

Te jalwanejetic awu'un la yilbat te bin ma meleluc soc te asonsohil, ma ba la yaq'uic chicnajuc te amul yu'un hich ma ba ya xbahat ta chuquel a, ha la yalbat awa'iy lotil sc'op-jalwanej soc howil c'op.

Jeremías 14:13

Hich la jcal: ¡Ah, Cajwal Jehová! hich ya xhalbotic yu'un te jalwanejetic: Ma ba yac awilic te espada soc ma ba ya xtal wi'nal ta atojolic, ho'on ya ca'beyex te smelelil lamal q'uinal ta lugar ini, xchihic.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

Isaías 30:26

Te sc'ahc'al te u hich ya xc'oht te bin ut'il sc'ahc'al te c'ahc'ale, soc te sc'ahc'al te c'ahc'al huqueb buelta ya xtohy xan yip, hich te bin ut'il sc'ahc'al huqueb c'ahc'al, te bin ora te Jehová ya spoxtaybe yehchen te pueblo yu'un soc te ya spoxtaybe te sc'a'el te a'botic yu'une.

Miqueas 2:11

Teme ay mach'a yac snopbel bin ma meleluc, te hich ya yal ta lot: Ya calbat sc'oblal vino soc tulan uch'balil, teme xchihe, ha me jalwanej ya sc'an te pueblo ini.

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Jeremías 14:17

Ya me awalbe te c'op ini: Ac'a maluc loq'uel ya'lel jsit ta c'ahc'al ahc'abal, ma xquehchaj, como te ach'ix yu'un te pueblo cu'un c'ax xiweltic sba swocol, como bayel sc'uxul te yehchene.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Jeremías 28:3

Ma sta cheb ha'bil ya cac' te ya suht tal ta lugar ini spisil te bintic ya xtuhun ta sna Jehová te la yich' bahel ta Babilonia te ajwalil Nabucodonosor.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

2 Samuel 17:3

hich ya cac' suhtuc tal ta atojol spisil te pueblo, como jtuhl nax te mach'a yac alehbe scuxlejal. Hich lamal q'uinal ya xc'oht yu'un te pueblohe, xchi.

Isaías 30:10

Hich ya yalbeyic te j'ilawetic: Ma me xawilic nahalsitil, xchihic, soc hich ya yalbeyic te jalwanejetic: Ma me xawalbotic te bin stojil ta pasel; halbotic ca'iytic t'ujbil c'opetic nax, halahic te bintic sjel ta lec;

Ezequiel 13:16

ha te jalwanejetic ta Israel te la yalic sc'op-jalwanej te la yalbe sc'oblal Jerusalén soc te la yilic nahalsitil yu'un lamal q'uinal ta stojol Jerusalén, te c'alal mayuc lamal q'uinal a, xchi te Jehová, te Ajwalil.

Ezequiel 14:9

Teme ay jalwanej te ya xlo'loyot soc ay bin ya yal, ho'on Jehovahon la jlo'loy te jalwaneje. Ya jach jc'ab ta scontrahinel soc ya jlajin ta yohlil te pueblo Israel cu'une.

Miqueas 3:5

Hich yaloj te Jehová sc'oblal te jalwanejetic te ya yac' howijuc bahel te pueblo cu'un, te hich ya yalic ta aw: Lamal q'uinal, xchihic te c'alal ay swe'elic, yan te mach'atic ma ba ya x'a'bot swe'elic yu'un ya yalbeyic sc'oblal guerra.