Jeremías 6:12 - Bible in Tzeltal Bachajón

¹² Te snahic, sq'uinalic soc yihnamic ya x'ich'otic yu'un yantic, como ya me jach jc'ab ta stojol te mach'atic nahinemic ta q'uinal, xchi te Jehová.

Bible in Tzeltal de Oxchuc y Tenejapa

¹² Te snaic, te sq'uinalic soc te yinamic ya me xc'axic ta swenta yantic. Melel ya me jtoy jajch'el jc'ab ta swenta yac'beyel castigo te mach'atic nainemic ta lume. Jo'on Ajwalilon te jich ya cale.

Jeremías 6:12 Referans Kwoze

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Sofonías 1:13

Ha yu'un ya me yich' pojel te sc'ulejalic, soc ya me yich'ic jinel te snahique. Ya spas snahic, pero ma ba ya xnahinic tey a, ya sts'unic ts'usubiletic, pero ma ba ya yuch'beyic te ya'lele.

Lamentaciones 5:11

La yuts'inic antsetic ta Sión, te ach'ixetic ta pueblohetic ta Judá.

Lamentaciones 5:3

Me'ba'otcotic, mayuc jtatcotic; te jnancotic hich c'ohtic te bin ut'il me'ba' ants.

Lamentaciones 3:3

ha la yac' tal sc'ab ta jtojol bayel buelta, sjunal c'ahc'al.

Lamentaciones 2:8

Te Jehová la snop te ya sjin cohel te ts'ahquetic yu'un te yantsil-nich'an Sión. La st'im bahel te sp'isojibal, ma ba la scom sc'ab ta sjinel. La ya'be smel yo'tan te busambil lum soc te ts'ahc, ta junax ch'ayic bahel.

Jeremías 38:22

Spisil te antsetic te ya xhilic ta sna te ajwalil yu'un Judá ya me yich'ic loq'uesel bahel ta stojol te príncipaletic yu'un te ajwalil yu'un Babilonia; hich ya yalbat te antsetic: La slo'loyat, la stsalat te mach'atic jun awo'tan aba soc. Co bahel ta ahch'al te awoque, suht ta spatic te mach'atic jun awo'tan aba soc, xchihic.

Isaías 10:4

Mayuquix bin yan ay ta pasel, ha xanix te yac ac'ol abahic ta yohlil te jchuqueletic, te ya xyahlex bahel ta yohlil te mach'atic lajic ta milel. Ta spisil ini, ma ba lahmaj yilimba, shachoj to te sc'ab ta yaq'uel castigo.

Isaías 9:21

te Manasés ya slajin te Efraín, te Efraín ya slajin te Manasés, schebalic ya scontrahinic te Judá. Ta spisil ini, ma ba lahmaj yilimba, shachoj to te sc'ab ta yaq'uel castigo.

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

1 Crónicas 21:16

Te David la yil te ch'ul a'bat yu'un Jehová te ay ta po'tal ch'ulchan, stsacoj espada ta sc'ab, shachoj ta stojol Jerusalén. Ha yu'un te David soc te mamaletic la snijan sbahic c'alal ta lum, slapojic ch'ixal pac' a.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Jeremías 21:5

Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Jeremías 38:23

Spisil te antsetic awu'un soc te anich'nab ya me x'ac'otic ta sc'ab te caldeohetique. Te ha'ate ma ba ya xcolat ta sc'abic, ya me x'ochat ta sc'ab te ajwalil yu'un Babilonia, te ha ya schic' te pueblo ini, xchi.

Ezequiel 35:3

hich me xawalbe: Ilawil, ya jcontrahinat, wits Seir, ya jach jc'ab ta scontrahimbelat soc ya jc'atp'ujat ta jochol jimbil q'uinal.

Miqueas 2:4

Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Sofonías 1:4

Ya jach jc'ab ta scontrahinel te Judá soc ta scontrahinel spisil te mach'atic nahinemic ta Jerusalén. Jc'axel ya jlajin ta lugar ini jayeb xan hilem yu'un Baal soc te sbihilic te mach'atic ya x'a'tejic ta stojol te loc'ombahetic soc te sacerdotehetic yu'unique.

Lamentaciones 5:2

Te bintic ay cu'uncotic c'axic bahel ta sc'ab yantic, te jnahcotic c'axic bahel ta sc'ab jyanlumetic.

Ezequiel 7:24

Ha yu'un ya cac' taluc te mach'atic c'ax chopol yo'tanic ta nacionetic, ya me yich'beyic te nahetic yu'unique. Hich ya cac' lajuc stoybahil te mach'atic ay yipic, soc ya yich'ic bohlobtesel te ch'ul awilaletic yu'unique.