Jeremías 6:11 - Bible in Tzeltal Bachajón

¹¹ Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Bible in Tzeltal de Oxchuc y Tenejapa

¹¹ Cajwal, nojelix co'tan yu'un ya caiy te awilimbae, ma xcujch'ix cu'un ya caiy —xoon. Te Cajwaltic la yalbon: —Mala bael te quilimba ta stojol te alaletic ta calle, ta stojol tsojboltsojp queremetic. Ya me x'ic'otic bael ta chuquel te winiquetic soc te yinamique, soc te mamaletic te bayalix ya'wilalique.

Jeremías 6:11 Referans Kwoze

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Miqueas 3:8

Yan te ho'one nojel te co'tan ta yu'el te espíritu yu'un Jehová nojel ta stojil chahpanel soc ta quip, yu'un yalbeyel te stoybahil te Jacob soc te smul te Israel.

Apocalipsis 16:1

La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Hechos 18:5

C'alal hulic te Silas soc Timoteo te talic ta Macedonia, ya'telinej yalel sc'op Dios a hul stahic te Pablo, yac yalbebel te judíohetic te ha Cristo te Jesús.

Hechos 17:16

C'alal yac ta mahliwanej ta Atenas a te Pablo, bayel c'opoj yo'tan yu'un te c'alal la yil te nojel ta loc'ombahetic te pueblo.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

San Lucas 17:34

Ya calbeyex, ta hich ahc'abal ay cheb wayalic ta jun wayibal, jtuhl ya x'ic'ot, jtuhl ya xhil.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.

Ezequiel 3:14

Te espíritu la slicon hahchel, la yic'on bahel; pich'il co'tan soc ilin co'tan bahel, tulan stsacojon a te sc'ab Jehová.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Isaías 40:30

Te ach'ix-queremetic ya xluhbic soc ya xlaj yipic, te jcolel queremetic ya sc'ohchin yoquic, ya xyahlic;

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Jeremías 15:17

Ma ba la joquin ta huclej te mach'atic ha nax ya spasic te bin ya smulanic, ma ba la joquinlan ta tse'ej; jtuquel huculon ta scaj te ay ta atojol te ac'ab soc la anojesbon co'tan ta ilimba.

Lamentaciones 1:15

Te Cajwal la sts'o' ta teq'uel ta cohlil spisil te winiquetic cu'un te ay yipic; la yic' talel jchahp soldadohetic yu'un ya slajimbon te jcolel-winiquetic cu'une. Te Cajwal la sts'o' ta teq'uel hich te bin ut'il ta spits'ojbil ts'usub te yantsil-nich'an Judá.

Lamentaciones 2:21

Limilic ta callehetic te alaletic soc mamaletic; lajic ta espada te queremetic soc ach'ixetic cu'un. La amajticlan ta yorahil awilimba; la alajinlan, ma ba la ana'be yo'bolil sbahic.

Ezequiel 3:3

Hich la yalbon: Snich'anat winic, we'a te balbil hun te ya ca'bat, nojesa ach'uht a, xchi. Hich la jwe', mero chi', pajal soc chab.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Jeremías 5:9

¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Jeremías 9:20

Antsetic, a'iybeya awa'iyic sc'op te Jehová; ac'a ya'iy achiquinic te sc'op te ya xloc' ta ye. A'beyahic snop oq'uel te awantsil-nich'anic; a'beyahic snop mel-o'tan c'ayoj mach'a jun awo'tan soc,