Jeremías 6:10 - Bible in Tzeltal Bachajón

¹⁰ ¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Bible in Tzeltal de Oxchuc y Tenejapa

¹⁰ La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

Jeremías 6:10 Referans Kwoze

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

Jeremías 7:26

Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

Isaías 53:1

¿Mach'a sch'uhunej te bin calojcotic, soc mach'a a'bot yil te sc'ab Jehová?

Éxodo 6:12

Te Moisés la sjac'be sc'op te Jehová: Ma xya'iyboniquix jc'op te snich'nab Israel, ¿ha'uc to bal c'an ya'iybon jc'op a te faraón, te wocoltic ya xloc' te jc'ope? xchi.

2 Timoteo 4:3

como ya sta yorahil te ma ba ya sc'an ya ya'iyiquix te lequil nohptesel, ya sac'ub schiquinic, hich ya stsob bayel maestrohetic yu'unic te ya xnoptesotic yu'un te bin ya smulanic,

Colosenses 1:28

Ha yu'un ya calbecotic sc'oblal te Cristo; ta scuenta spisil p'ijil-o'tanil ya jtsitsbecotic soc ya jnohptescotic spisil ants-winiquetic, scuenta yu'un spisilic ay yipic a ya cac'cotic stehc'an sbahic ta stojol Cristo.

Romanos 7:22

Ta co'tan ya jmulan te ley yu'un Dios;

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

San Juan 9:40

Ay fariseohetic sjoquinej, c'alal hich la ya'iyic, la sjoc'obeyic: ¿Yu'un bal ha nix hich ts'o'sitotcotic te ho'otcotique? xchihic.

San Lucas 20:19

Te principal sacerdotehetic soc te escribanohetic la slehic bin ut'il ya stsaquic ta ora, como la sna'ic te ha sc'oblalic te bin halbotic ta sloc'ombahil c'op; pero la xi'ic te ants-winiquetique.

San Lucas 11:45

Hich la sjac' jtuhl maestro yu'un te Ley: Maestro, te bin ut'il hich yac awale, ha nix hich yac alabanotcotic ya ca'iycotic, xchi.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Amós 7:10

Te Amasías te sacerdote ta Bet-el la sticon ta halbeyel te Jeroboam ajwalil yu'un Israel, hich la yal: Te Amós hahch scontrahinat ta yohlil te Israel. Te q'uinal ma xcuhch yu'un spisil te sc'ope.

Ezequiel 33:9

Pero teme yac awalbe te mach'a chopol te yacuc xhil te be yu'une, pero teme ma ba ya yihquitay, ha nix ay ta scuenta smul te ya xlaj, pero ha'at ya xhilat ta libre.

Ezequiel 33:3

teme ya yil te ya xtal te espada ta scontrahinel te q'uinal soc ya yoq'uesin te cornetahe,

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Salmos 119:174

Sc'anoj co'tan te colel awu'un, Jehová, soc ha ya smulan co'tan te ley awu'une.

Salmos 119:77

Ac'a taluc te sc'uxul awo'tan ta jtojol scuenta yu'un ya xcuxajon, como ya smulan co'tan te ley awu'une.

Salmos 119:70

Tonob yo'tanic, yan te ho'one tse'el co'tan ta stojol te ley awu'une.

Salmos 119:35

Tojobtesawon bahel ta sbehlal te mandariletic awu'un, yu'un ha ya jmulan.

Salmos 119:24

Ya jmulan te mandariletic awu'un, ha j'ac'-o'taniletic cu'un.

Salmos 119:16

Tse'el co'tan yu'un te halbil mandariletic awu'un, ma ba ya xch'ay ta co'tan te ac'ope.

Salmos 40:8

Ya jmulan spasel te bin ya sc'an awo'tan, Dios cu'un; ay ta co'tan te Ley awu'un, xchihon.

Salmos 1:2

te ha ya smulan te ley yu'un Jehová, soc ya sna'ulan ta c'ahc'al ahc'abal.

Deuteronomio 29:4

Pero c'alal ora yo'tic te Jehová ma ba ya'beyejex sp'ijil awo'tanic ta sna'el, o asitic ta yilel, o achiquinic ta ya'iyel.

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Isaías 42:20

Bayel bintic ya yil, pero ma ba ya stsahtay; jamal schiquin, pero mayuc bin ya ya'iy.

Jeremías 7:13

Yo'tic, te bin ut'il hich apasojic spisil ini, xchi te Jehová, soc te bin ut'il la jc'oponlanex, pero ma ba la awa'iyic, soc la jquiq'uex, pero ma ba la ajac'bonic,

Jeremías 35:13

Hich yaloj te Jehová te scuentahinej spisil, te Dios yu'un Israel: Bahan, halbeya te winiquetic yu'un Judá soc te mach'atic nahinemic ta Jerusalén: ¿Ma bal yacuc anopic te yac ach'uhumbonic te jc'ope? xchi te Jehová.

Ezequiel 3:7

Pero te sna Israel ma ba ya sc'an ya ya'iybat ac'op, como ma sc'an ya ya'iybonic te jc'ope; como spisil te sna Israel tulan sit yelawic soc macal yo'tanic.