Jeremías 51:6 - Bible in Tzeltal Bachajón

⁶ ¡Ahnanic loq'uel ta Babilonia! ¡Coltaya abahic, scuenta yu'un ma ba ya xch'ayex bahel ta scaj te smule! Como ha yorahil te Jehová ya ya'be spacol, ya ya'be stoj te bin ya sc'an te ya'tele.

Bible in Tzeltal de Oxchuc y Tenejapa

⁶ “Ananic loq'uel ta Babilonia, coltaya abaic te mach'a ya xju' yu'une. Ma me xlajex yu'un te smulic stuquelique. Ja' yorail te ya cac'bey spacole, soc ya cac'bey stoj te bit'il ya sc'an te yat'ele.

Jeremías 51:6 Referans Kwoze

Jeremías 50:8

Loc'anic ta ahnel ta Babilonia, loc'anic tal ta sq'uinal caldeohetic, hich ya xc'ohex te bin ut'il tat tentsunetic te nahil ya xbahtic ta stojol te jtsohb tentsunetique.

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Jeremías 50:15

¡Awtayahic ta sjoyobal! ¡La yac' sba ta c'abal! ¡Yahlix cohel te bahlal ts'ahquetic yu'un, jihnix cohel te ts'ahquetic yu'une! ¡Ha te spacol yu'un Jehová! A'beyahic spacol; pasbeyahic hich te bin ut'il la spas.

Jeremías 51:45

¡Loc'anic bahel tey a, pueblo cu'un, coltaya acuxlejalic yu'un te sc'ahc'al yilimba te Jehová!

Jeremías 25:14

Ha nix hich ya x'ochic ta mosohil yu'un bayel nacionetic soc muc'ul ajwaliletic; ya ca'be stojolic ha chican bin spasojic soc te ya'tel te sc'abique, xchi.

Números 16:26

Hich la yalbe te pueblo: Loc'anic bahel ta stojol te snahilpaq'uic te bohl winiquetic ini, soc ma xapicbeyic te bin ay yu'unic, scuenta yu'un ma ba ya xlajex ta scuenta spisil te smulique, xchi.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

1 Timoteo 5:22

Ma me ayuc mach'a te ora nax yac acajan ac'ab ta stojol, soc ma me xawac' aba a te mach'a ay smul; tojuc me x'ayinat.

Jeremías 51:50

¡Ha'ex te colex loq'uel ta espada, bahanic, ma xatehc'an abahic! ¡Na'ahic me te Jehová ta banti namal ayex, soc na'ahic me te Jerusalén!

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Jeremías 51:9

C'an jpoxtaytic te Babilonia, pero ma ba lecub. Ihquitaya hilel, conic ta jlumaltic ta jujutuhl, como c'ohem c'alal ta ch'ulchan te castigo yu'une, mohem bahel c'alal ta tocal.

Jeremías 50:31

Jcontrahinejat, ha'at jtoybahat, xchi te Cajwaltic, te Jehová te scuentahinej spisil; como c'ohtix aworahil, te yorahil te ya ca'bat castigo.

Isaías 48:20

¡Loc'anic ta Babilonia! ¡Ahnanic loq'uel ta stojol te caldeohetique! ¡Pucbeyahic sc'oblal ta aw soc yutsil awo'tanic, halbeyahic sc'oblal c'alal ta sti'il te q'uinale! Hich me yac awalic: Te Jehová la yaq'uix ta libre te Jacob te a'bat yu'une, chihanic me.

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

Jeremías 27:7

Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Jeremías 25:16

Ya me yuch'ic, xhanlajanic soc ya sohc sjolic ta scaj te espada ya jticon talel ta stojolic, xchi.

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Deuteronomio 32:43

¡Nacionetic, tse'eluc me awo'tanic soc te pueblo yu'un Dios, yu'un ha ya ya'be spacol te sch'ich'el te a'batetic yu'une, ya ya'be spacol te scontratac, soc ya spasbe te stojel mulil yu'un te sq'uinal te pueblo yu'une! xchi ta c'ayoj te Moisés.

Deuteronomio 32:41

Te c'alal ya juxbe ye te espada cu'un te mero xlipet soc te ya xhahchon ta stojil chahpanwanej, ya me ca'be spacol te jcontra, soc ya ca'be stojic te mach'atic ya yihlayonique.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Isaías 63:4

Como ay ta co'tan te sc'ahc'alel ya'beyel spacol; c'ohtix te ha'bil yu'un te ya cac' ta libre.

Jeremías 48:6

¡Ahnanic bahel, coltaya acuxlejalic, hichuquex te bin ut'il ch'ix ta jochol taquin q'uinal!

Jeremías 51:36

Ha yu'un ya yal te Jehová: Ya jchahpanat, ya jpacbat ac'abal. Ya jtaquijtesbe te mar yu'une soc ya cac' te mayuc ya'lel te sloq'uib-ha'etic yu'une.

Jeremías 51:56

Como ya xtal jinaw ta stojol Babilonia, ya yich'ic tsaquel te soldadohetic yu'un, soc ya yich' wac'ticlanel te t'ihmalte'etic yu'une. Como te Jehová, te Dios te ya ya'be stoj jujutuhl, ya me ya'be stoj.

Lamentaciones 3:64

¡A'beyahic stoj, Jehová, ha chican bintic spasojic!

Salmos 94:1

Jehová, ha'at Diosat te yac awa'be spacol, ha'at Diosat te yac awa'be spacol, ac'a aba ta ilel.