Jeremías 51:51 - Bible in Tzeltal Bachajón

⁵¹ Ayotic ta q'uexlal, yu'un la ca'iytic te labanele; macal ta q'uexlal te jsit quelawtic, como ochemic jyanlumetic ta ch'ul awilal yu'un te sna Jehová.

Bible in Tzeltal de Oxchuc y Tenejapa

⁵¹ Ja'ex ya awalic: —Ay q'uexlal ya caiytic c'alal ya caiytic stojol te bit'il ya yixtac'optayotique. Ya xq'uexawotic, ya jmuc quelawtic yu'un; melel jyanlumetic ochemic bael c'alal ta awilal ch'ulajem ta templo —xaex.

Jeremías 51:51 Referans Kwoze

Lamentaciones 1:10

Te scontra la shach sc'ab ta stsaquel spisil te bintic bayel sc'oblal yu'une; la yil te ochic yantic nacionetic ta ch'ul awilal yu'un, ha te la awal mandar, Cajwal, te ma me x'ochic ta tsoblej awu'une.

Salmos 79:4

Te jpat-xuhcotic ya slabanotcotic, ya stse'layotcotic te mach'atic ayic ta joyobalcotic.

Miqueas 7:10

Ya me yil te jcontra, soc ha ya xpotsot ta q'uexlal te mach'a hich la yalbon: ¿Banti ay te Jehová te Dios awu'un? te xchihe. Tse'el co'tan ya quil te c'alal hich ya yich' ts'o'el ta teq'uel te bin ut'il ahch'al ta callehetic.

Daniel 11:31

Te soldadohetic yu'un ya me sbohlobtesbeyic sc'oblal te ch'ul awilal soc te ahnibal ts'ahc, ya me scom ta aq'uel te chic'bil mahtanil scuenta jujun c'ahc'al soc ya yac' tey a te bin ilobtic sba te ya xjinawan.

Ezequiel 36:30

Ya cac' te bayel ya sitin te te'etic soc bintic ts'unticlambil ta q'uinal, scuenta yu'un ma ba yac atahiquix q'uexlal yu'un wi'nal ta yohlil te nacionetique.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Ezequiel 9:7

Patil hich la yalbe: Bahanic, bohlobtesbeyahic sc'oblal te templo, nojesahic ta chamen baq'uet te amaq'uetic, xchi. Hich loq'uic bahel ta smilel te mach'atic ayic ta pueblo.

Ezequiel 7:18

Ya me slapic ch'ixal-pac' soc ya xmucotic yu'un tulan xiwel; ay q'uexlal ta spisil sit yelaw, soc quits'bil spisil stsotsel sjolic.

Lamentaciones 5:1

Na'a me, Jehová, te bin c'ohem ta jtojolcotic; ilawil te jwocolcotic ta uts'inel.

Lamentaciones 2:20

¡Ilawil, Jehová, nopa awa'iy mach'a hich apasbeyej! ¿Lec bal te ya sti'ic yalatac te antsetic, te tut alaletic te cuentahimbilic yu'unique? ¿Lec bal te ya yich'ic milel ta ch'ul awilal awu'un te sacerdote soc te jalwanej?

Jeremías 52:13

La schic' te sna Jehová, te sna te ajwalil soc spisil te nahetic ta Jerusalén. La slajin ta c'ahc' spisil te muc'ul nahetic te ay sc'oblalique.

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Jeremías 14:3

Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Salmos 109:29

Ac'a sc'u'inic q'uexlal te mach'atic ya slehbonic jmul; ac'a mucotuc yu'un q'uexlal hich te bin ut'il muc'ul c'u'ul.

Salmos 79:12

Soc sutbeya spacol huqueb buelta te jpat-xuhcotic yu'un te la spehc'ambat ac'oblal, Jehová.

Salmos 79:1

¡Dios cu'un, te nacionetic la yochintaybatix te bintic ay awu'un! ¡La sbohlobtesbeyic sc'oblal te ch'ul Templo awu'un; busul hil yu'unic te Jerusalén!

Salmos 71:13

Ac'a stahic q'uexlal soc ac'a yich'ic lajinel te mach'atic ya scontrahinic te jcuxlejal; ac'a stahic bayel q'uexlal soc howiyel te mach'atic yo'tanuc ya yilbonic jwocol.

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Miqueas 6:16

Como ach'uhunej spasel te mandariletic yu'un Omri soc spisil bintic la spasic te mach'atic ay yu'un Acab, la at'unic te bintic la yalique; ha yu'un ya cac'at ta jinel soc ya cac' ta labanel te mach'atic nahinemic ta awohlilique. Ha yu'un yac awich'ic labanel yu'un te pueblo cu'une.

Salmos 89:46

¿Jayeb xan ora, Jehová? ¿Spisil bal ora yac anac' aba? ¿Ya bal xtihl awilimba hich te bin ut'il c'ahc'?

Isaías 13:1

Ha te bin halbil sc'oblal te Babilonia te a'bot sna' te Isaías snich'an Amoz:

Isaías 14:1

Te Jehová ya me sna'be yo'bolil sba te Jacob, ya stsa yan buelta te Israel soc ya yac' ayinuc xan ta sq'uinalic. Ya xjoquinotic yu'un jyanlumetic te junax ya xc'ohtic soc te sts'umbal Jacob.

Isaías 21:1

Ha te sc'op jalwanej ta stojol te jochol taquin q'uinal ta stojol mar: Hich te bin ut'il sutu-ic' te ya xc'ax ta Negev, hich ya xloc' tal ta jochol taquin q'uinal, ta q'uinal te xiweltic sba.

Isaías 47:1

Cohan, huhcana aba ta ts'ubil lum, ha'at yantsil-nich'anat Babilonia. Huhcana aba ta lum ta banti mayuc huctajibal, yantsil-nich'anat caldeohetic, yu'un ma ba ya xhalotix ac'oblal te uhnenat soc jteb atahel.

Jeremías 25:26

spisil te ajwaliletic ta stojol norte, te nopol ayic soc namal ayic, ta tuhlultuhl, spisil te ajwaliletic te ayic ta bahlumilal. Ta slajibal ya me yuch' te ajwalil yu'un Babilonia.