Jeremías 51:4 - Bible in Tzeltal Bachajón

⁴ Ya xlajic ta sq'uinal te caldeohetic, ehchentesbil ya xhilic ta callehetic.

Bible in Tzeltal de Oxchuc y Tenejapa

⁴ Ta spamal slumal te caldeoetique, te ants-winiquetic limil me ya xjilic ta calleetic.

Jeremías 51:4 Referans Kwoze

Jeremías 49:26

Ha yu'un te queremetic yu'un ya xyahlic ta callehetic, soc spisil te soldadohetic yu'un ya me xlajic ta hich ora, xchi te Jehová te scuentahinej spisil.

Jeremías 50:30

Ha yu'un te queremetic yu'un ya me xlajic ta plazahetic, spisil te winiquetic yu'un guerra ya xlajic ta hich ora, xchi te Jehová.

Isaías 13:15

Mach'ayuc ya xtahot, ya xlowot; mach'ayuc ya xtsacot, ya xlaj ta espada.

Jeremías 50:37

Ac'a yich'ic contrahinel yu'un espada te cawuhetic soc te carretahetic yu'unic, soc spisil te jyanlumetic te ay ta yohlil, hich ya xc'ohtic te bin ut'il antsetic; Ac'a yich'ic contrahinel yu'un espada te sc'ulejalic, ya me yich'ic pojbeyel te sbiluquic.

Isaías 14:19

Yan te ha'ate, ch'ojbilat loq'uel ta amuquenal hich te bin ut'il te bin ihlaybil, hich te bin ut'il sc'u' te mach'atic chamenic te lowbilic ta espada, te cohic bahel ta sc'ubulil te muquenal, hich te bin ut'il chamen baq'uet te ts'o'ts'o'tec'bil.

Jeremías 51:53

Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.