Jeremías 51:12 - Bible in Tzeltal Bachajón

¹² ¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

Bible in Tzeltal de Oxchuc y Tenejapa

¹² Ac'beya seña yu'un yorailix guerra ta sjoyobal sts'ajc'ul te Babilonia. Ac'beyaic yip yo'tanic te soldadoetique. Ac'aic j'il-q'uinaletic tey a. Ac'a ta yawilic te mach'a ya snac' sbaic ta maliywanej. Melel te Cajwaltic la xchajban soc la sc'otes ta pasel, ja' te chapal yu'un te la yalbey sc'oplal te yajwal Babilonia.

Jeremías 51:12 Referans Kwoze

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Isaías 13:2

Tehc'anahic bandera ta t'axal wits, awonanic ta stojolic; hacha ac'abic scuenta yu'un ya x'ochic bahel ta puertahetic yu'un mach'atic muc' sc'oblalic.

Nahúm 2:1

¡Yac ta talel jinaw ta atojol, Nínive! ¡Chahpana jcananetic ta tulan ahnibal ts'ahc! ¡Ilawil te be! ¡Chuca ach'uht! ¡Tsoba tal spisil awip!

Jeremías 51:29

Te lumq'uinal ya xnihc soc ya syuc' sba, como ya me xc'oht ta pasel te bin schapoj te Jehová ta scontrahinel te Babilonia, ha te ya sjochobtesbe sq'uinal te Babilonia, mayuc mach'a ya xnahin tey a.

Joel 3:2

ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

Lamentaciones 2:17

Te Jehová la spas te bin snopoj ta yo'tan, la sc'ohtes ta pasel te sc'op te nameyix la schahpambe sc'oblale. La sjin, ma ba la sna' yo'bolil sbahic, la yac' te tse'el yo'tan ta atojol te acontra soc la stoybe yip te acontrataque.

Jeremías 51:27

¡Toya mohel bandera ta q'uinal, oq'uesinahic corneta ta yohlil te nacionetique! ¡Chahpanahic pueblohetic yu'un ya'beyel guerra, tsobahic tal nacionetic ta scontrahinel, ha te Ararat, Mini soc Askenaz! ¡Lehahic jtuhl capitán te ya scontrahin, ac'a mohuc tal cawuhetic hich te bin ut'il c'ahc'al c'ulubetic!

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Josué 8:14

C'alal hich la yil te ajwalil yu'un Hai, ta sab ahnimal hahch soc te winiquetic yu'un; ta yorahil chapal yu'unic, loq'uic bahel te winiquetic yu'un Hai yu'un ya stsal sbahic soc Israel ta stojol te Arabá; ma ba la sna'ic teme ay mach'atic snac'oj sbahic ta spat te pueblo.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Jeremías 23:20

Te yilimba Jehová ma xquehchaj ha to c'alal ya xc'oht ta pasel te bintic snopoj ta yo'tan. Ta patil bahel ya me xc'oht ta awo'tanic.

Jeremías 50:25

Te Jehová la sjambe yawil te a'tejibaletic yu'un guerra, la sloq'ues tal te a'tejibaletic yu'un te yilimba, como te Jehová te Dios te scuentahinej spisil ay ya'tel te ya spas ta sq'uinal te caldeohetique.

Isaías 11:12

Ya me stehc'an hahchel bandera ta stojol te nacionetic, yu'un ya stsob talel mach'atic loq'uesbilic yu'un Israel; ya stsob tal ta schanxuhcul te q'uinal te mach'atic yu'un Judá te puhquemique.