Jeremías 51:11 - Bible in Tzeltal Bachajón

¹¹ ¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Bible in Tzeltal de Oxchuc y Tenejapa

¹¹ Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:11 Referans Kwoze

Jeremías 46:4

¡Chahpana te cawuhetic, mohanic! ¡Otsesa smahquil ajolic, chola abahic! ¡Ch'ula te lanzahetic, lapahic te smahquil atahnique!

Jeremías 50:45

Ha yu'un a'iya awa'iyic te bin schapoj te Jehová ta stojol Babilonia, te bin snopoj te ya spasbe te mach'atic nahinemic ta Temán. Ya me stasic bahel te tut tuminchijetic yu'un te jtsohb tuminchijetic, pajal ya slajinic soc te yaxal aquiltic yu'unique.

Jeremías 50:9

Como ya jtij hahchel jtsohb muc'ul nacionetic ta stojol norte te ya xtal scontrahinic Babilonia. Tey ya xchahpan sbahic ta ya'beyel guerra a, ya me stsalic. Te ya'tejibal st'ihmalte'ic pajal soc ya'tejibal st'ihmalte'ic te mach'atic ya sna'ic ta lec guerra, te ma ba jochol sc'ab ya suhtic talel.

Jeremías 46:9

¡Hahchanic ta ahnimal, cawuhetic! ¡Tulan x'ahnimajex, carretahetic! ¡Ac'a behenuquic bahel te soldadohetic te ay yipic: ha te winiquetic yu'un Etiopía soc yu'un Put te yich'ojic smahquilic; soc te winiquetic yu'un Lidia, te ya sna'ic yaq'uel t'ihmalte'!

Zacarías 14:12

Ha ini te milawal-chamel te Jehová ya slajin a spisil te nacionetic te la ya'beyic guerra te Jerusalén: ha te ya xc'a' sbaq'uetalic te c'alal teq'uilic a, ya xc'a' sitic ta yawil, soc ya xc'a' yaq'uic ta yutil te yehique.

Zacarías 14:2

Como ya jtsob tal spisil te nacionetic yu'un ya ya'beyic guerra te Jerusalén. Ya yich' ochintayel te muc'ul pueblo, ya yich'ic pojticlambeyel sbiluc ta snahic soc ya x'uts'inotic te antsetique. J'ohlil te muc'ul pueblo ya xbaht ta chuquel, pero te mach'atic hilemic ma ba ya yich'ic loq'uesel.

Jeremías 51:35

Ac'a c'ohtuc ta stojol Babilonia te uts'inel te la ya'bon te jbaq'uetal, xchi te mach'a nahinem ta Sión. Ac'a c'ohtuc spacol yu'un te jch'ich'el ta stojol te mach'atic nahinemic ta Caldea, xchi te Jerusalén.

Jeremías 51:24

Yac awil ta asitic te ya ca'be stoj te Babilonia soc spisil mach'atic nahinemic ta Caldea spisil bintic chopol la spasic ta Sión, xchi te Jehová.

Jeremías 51:12

¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

Jeremías 50:25

Te Jehová la sjambe yawil te a'tejibaletic yu'un guerra, la sloq'ues tal te a'tejibaletic yu'un te yilimba, como te Jehová te Dios te scuentahinej spisil ay ya'tel te ya spas ta sq'uinal te caldeohetique.

Isaías 46:11

Ya quic' tal mut c'alal banti ya xloc' tal c'ahc'al, ya quic' tal ta namal jtuhl winic te ya spas te bintic chapal cu'une. Ho'on c'opojon, soc ya jc'ohtes ta pasel; te bin jnopoj, hich ya jpas.

Isaías 45:5

Ho'on Jehovahon, mayuc yan; mayuc yan dios ay ta jtojol. La jca'bat awip, aunque ma xana'bon jba,

Isaías 45:1

Te Jehová hich ya yalbe te Ciro, te mach'a tsahbil yu'un, te la jtsac ta swa'el-c'ab yu'un ya cac' scuentahin te nacionetic soc yu'un ya spojbe ya'tejibic yu'un guerra te ajwaliletic; yu'un ya jambe puertahetic ta stojol, puertahetic te ma ba ya yich'ic maquel:

Isaías 41:25

Ay mach'a la jtij hahchel ta stojol norte, ya me xtal; ta stojol sloq'uib c'ahc'al ya sc'oponon ta jbihil. Ya sts'o' ta teq'uel ajwaliletic hich te bin ut'il ahch'al, hich te bin ut'il te jpac'ojom ya sts'o' ta teq'uel ahch'al.

Isaías 21:5

Ya schahpanic mesa, ya slimbeyic spac'al, ya xwe' x'uch'ic. ¡Hahchanic, príncipaletic, a'beyahic aceite te amahquilic!

Isaías 21:2

La ya'bon quil tulan nahalsit: Te j'ac'aw ta c'abal ya x'ac'awan ta c'abal, te jlajinwanej ya xlajinwan. ¡Mohan, Elam! ¡Joytaya, Media! Ya cac' lahmajuc spisil ahcan.

Isaías 10:26

Te Jehová te scuentahinej spisil ya me smajticlan ta xul, hich te bin ut'il la slajin te Madián ta muc'ul ton Oreb; soc ya me stoy snahbate' ta stojol te mar, hich te bin ut'il la spas ta Egipto.

Esdras 1:1

Ta shahchibal ha'bil yochel ta ajwalil te Ciro ajwalil yu'un Persia, scuenta yu'un ya xc'oht ta pasel te sc'op Jehová te la yal ta scuenta te Jeremías, te Jehová la stijbe yo'tan te Ciro ajwalil yu'un te persiahetic, te hich la yal soc hich la sts'ihbay ta carta ta stojol spisil ban c'alal smacoj ta ajwalil:

2 Crónicas 36:22

Ta shahchibal ha'bil yochel ta ajwalil te Ciro ajwalil yu'un Persia, scuenta yu'un ya xc'oht ta pasel te sc'op Jehová te la yal ta scuenta te Jeremías, te Jehová la stijbe yo'tan te Ciro ajwalil yu'un te persiahetic te hich ya yal soc hich ya sts'ihbay ta carta ta stojol spisil ban c'alal smacoj ta ajwalil:

1 Crónicas 5:26

Ha scuentahil te Dios la stijbe yo'tan te Pul, ha te Tiglat-pileser ajwalil yu'un Asiria, te la yic' bahel te sts'umbal Rubén, Gad soc te j'ohlil sts'umbal Manasés, la yac'ticlan ta Halah, Habor, Hara soc ta sti'il muc'ul-ha' Gozán, tey ayic c'alal ora a.

1 Reyes 11:23

Ha nix hich Dios la ya'be scontrahin te Salomón te Rezón snich'an Eliada, te ahnem loq'uel ta stojol te yajwal, ha te Hadad-ezer te ajwalil yu'un Soba.

1 Reyes 11:14

Ha yu'un te Jehová la yac' hahchuc scontra te Salomón, ha te Hadad te edom-winic, sts'umbal ajwalil ta Edom.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Jeremías 25:25

spisil te ajwaliletic yu'un Zimri, Elam soc Media;

Jeremías 46:3

¡Chahpana amuc'ul mahquil soc atut mahquil! ¡La'ic ta guerra!

Jeremías 50:3

Como ta norte ya xmo tal jun nación te ya scontrahin, te jochol ya yihquitay hilel te sq'uinale. Mayuc ants-winic ni chambahlam te ya xnahinic tey a, spisilic bahtic ta ahnel.

Jeremías 51:36

Ha yu'un ya yal te Jehová: Ya jchahpanat, ya jpacbat ac'abal. Ya jtaquijtesbe te mar yu'une soc ya cac' te mayuc ya'lel te sloq'uib-ha'etic yu'une.

Daniel 5:30

Ha nix ta ahc'abal laj ta milel te Belsasar te ajwalil yu'un te caldeohetique.

Joel 3:9

¡Pucahic ta halel ta stojol te nacionetic, chahpana abahic yu'un guerra, tijahic hahchel te soldadohetique! ¡La'ic, ac'a taluc spisil te winiquetic yu'un guerra!

Joel 3:10

Pasahic ta espada te asadonetic awu'unic, pasahic ta lanza te hocetic awu'unique; hich ac'a yal te mach'a mayuc yip: Ho'on bayel quip, xchihuc.