Jeremías 50:5 - Bible in Tzeltal Bachajón

⁵ Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

Bible in Tzeltal de Oxchuc y Tenejapa

⁵ Ya me sjojc'oyic bael te sbelal Sión, tey me ya xbajt'ic a. Jich me ya yalic bael: “La'ic ta bay Cajwaltic, jun nax ya cac' jbatic soc, ya jpastic jun trato sbajt'el q'uinal te mero ma xch'ay ta o'tanile”, xiic me.

Jeremías 50:5 Referans Kwoze

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

2 Corintios 8:5

C'ax hich la yaq'uic a te bin ut'il la jcuycotic te ya xhu' yu'unic yaq'uele, pero nahil la yac' sbahic ta stojol te Cajwaltic, patil ta jtojolcotic, hich te bin ut'il ya sc'an yo'tan te Diose.

Hechos 11:23

C'alal c'oht tey a te Bernabé, tse'el yo'tan yu'un te c'alal la yil te yutsil yo'tan Dios; la stsitsticlan te junuc me yo'tan ya x'ayinic ta stojol te Cajwaltique.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Salmos 84:7

Behbe tohyel te yipique, ya me yilic te Dios ta Sión.

1 Reyes 19:14

La sjac': Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ha nix hich ya slajimbonic jcuxlejal, xchi.

1 Reyes 19:10

La sjac' te Elías: Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ya smilonic, xchi.

2 Samuel 23:5

Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

Jeremías 3:18

Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Jeremías 31:6

Ya me sta sc'ahc'alel te hich ya x'awonic te j'il-q'uinaletic ta witsiltic yu'un Efraín: Hahchanic, mohucotic bahel ta Sión, ta stojol Jehová te Dios cu'untic, xchihic.

Jeremías 31:21

A'beya señahiletic ta be, a'beya señahiletic te ya stojobtesat bahel; ilawil ta lec te be, te be te banti behenemat bahele. Suhtan tal, ach'ix Israel, suhtan tal ta pueblohetic awu'un.

Ezequiel 16:61

Hich me yac ana' a bintic la apas soc ya me xq'uexawat c'alal ya ca'bat scuenta awantsil-alatac te awihts'inab soc awixiltac, pero ma ha'uc ta scuenta te chapbil-c'op awu'un,

Ezequiel 37:22

Ya cac' te junax nación ya xc'ohtic ta witsiltic yu'un Israel; soc junax ajwalil yu'unic ya xc'ohtic. Mayuquix bin ora te cheb nacionetic ya xc'oht.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.