Jeremías 50:2 - Bible in Tzeltal Bachajón

² Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Bible in Tzeltal de Oxchuc y Tenejapa

² —Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Jeremías 50:2 Referans Kwoze

Isaías 46:1

¡La squejan sba te Bel, la snijan sba te Nebo! Te loc'ombahetic yu'unic cuchbilic bahel ta chambahlametic, ta chambahlametic yu'un ihcatsijel. Al te bintic ya yich'ic cuchel, al ihcatsil yu'un te chambahlametic te luhbenique.

Isaías 21:9

¡Ilawil, yac ta talel winiquetic cajajtic, cha'cha'tuhlic scholoj sbahic! xchi. Patil hich la yal: ¡Yahlix, yahlix te Babilonia! Te loc'ombahetic yu'un te diosetic yu'un wuyiquix ta lum, xchi.

Jeremías 51:47

Ha yu'un, ilawil, ya xtal sc'ahc'alel te ya ca'be castigo te loc'ombahetic yu'un Babilonia. Spisil te sq'uinal ya xq'uexaw, soc spisil te mach'atic yu'un te ya xlajic tey ya xhilic ta yohlil a.

Jeremías 51:44

Hich ya yal te Jehová: Ya me ca'be castigo te Bel ta Babilonia, ya ca'be xehtay loq'uel te bin sbic'oje. Te nacionetic ma ba ya xtaliquix ta stojol; ya xjihn cohel te sts'ahcul te Babilonia.

Apocalipsis 18:2

Hich tulan la yal ta aw: ¡Jihnemix, jihnemix te muc'ul Babilonia! Ha sna pucujetic c'ohem, ha yawil spisil ta chahp bohl pucujetic, soc sluhtstajibix spisil ta chahp bohl mutetic te ilobtic sbahe.

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

Jeremías 52:31

Ta shuclajunebal scha'winic (37) ha'bil sbahel ta chuquel a te Joaquín ajwalil yu'un Judá, ta shahchibal ha'bil yochel ta ajwalil yu'un Babilonia a te Evil-merodac, la ya'be yil yutsil yo'tan te Joaquín ajwalil yu'un Judá, la sloq'ues ta cárcel ta ho'eb scha'winic (25) c'ahc'al yu'un te slahchayebal (12) u.

Jeremías 51:52

Ha yu'un hich ya yal te Jehová: Ya me xtal sc'ahc'alel te ya jinticlan te loc'ombahetic yu'un, soc ta spahmal sq'uinal ya me x'ahcanajic te mach'atic ehchenajemique.

Jeremías 51:31

Te mach'a ya x'ahnimaj ora ya xbaht sta yan te ya x'ahnimaj, jtuhl jal c'op ya x'ahnimaj bahel ta stahel yan jal c'op, ta yalbeyel te ajwalil yu'un Babilonia te ochintaybilix ta jujujehch te muc'ul pueblo yu'une.

Jeremías 51:8

¡Ora nax yahl te Babilonia soc wuybil c'oht! ¡Oq'uetaya! Ich'ahic tal bálsamo-te' yu'un te sc'uxule, ya wan xlecub yu'un, xchi te Jehová.

Jeremías 50:46

Ya xnihc te q'uinal yu'un te sc'op te stsalel te Babilonia, te aw yu'un ya xchicnaj ta yohlil te nacionetique, xchi.

Jeremías 46:14

¡Pucahic ta halel ta Egipto, a'beya sna'ic ta Migdol! ¡Ha nix hich a'beya sna'ic ta Menfis soc ta Tafnes! Hich xawalbe: ¡Tehc'ana abahic, chahpana abahic, como ya xlajinwan te espada ta ajoyobal! xchihanic me.

Jeremías 31:10

A'iybeya awa'iyic te sc'op Jehová, nacionetic, halbeyahic sc'oblal ta sti'il mar te namal ayic: Te mach'a la spuc bahel te Israel ya stsob tal soc ya scanantay, hich te bin ut'il te jcanan ya scanantay te jtsohb tuminchijetic yu'une, xchihex me.

Jeremías 6:18

Ha yu'un a'iya awa'iyic, nacionetic, c'ohtuc ta awo'tanic, pueblohat, te bin ya xc'oht ta pasel ta stojolic.

Jeremías 4:16

Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Isaías 48:6

Awa'iyej soc awiloj spisil ini, ¿ma bal yac awalbe sc'oblal? Yo'tic ya calbat awa'iy bintic yach'il, te bintic muquen te ma ba ana'oj.

Isaías 39:1

Ta hich ora te Merodac-baladán snich'an Baladán, te ajwalil yu'un Babilonia, la sticon bahel carta soc mahtaniletic ta stojol te Ezequías, como la ya'iy te ay ta chamel soc te lecube.

Isaías 37:19

soc la sch'ojbeyic ta c'ahc' te diosetic yu'unic, como ma dioseticuc, ha ya'tel sc'ab winic te pasbilic ta te' soc ta ton; ha yu'un la sjinic.

Isaías 13:2

Tehc'anahic bandera ta t'axal wits, awonanic ta stojolic; hacha ac'abic scuenta yu'un ya x'ochic bahel ta puertahetic yu'un mach'atic muc' sc'oblalic.

Isaías 12:4

Soc ta hich ora hich yac awalic: Halbeyahic wocol te Jehová, c'oponahic te sbihile; halbeya ya'iyic te nacionetic bintic spasoj, pucahic bahel te muc' sc'oblal te sbihile.

Salmos 96:3

Halbeyahic sc'oblal yutsilal ta stojol te nacionetic, ta stojol te pueblohetic hableya sc'oblal spisil ta chahp a'teliletic yu'un,

Salmos 64:9

Hich spisil ants-winiquetic ya me xi'ic, ya me yalic te a'teliletic yu'un Dios soc ya me sna'ulanic te bintic spasoje.

Salmos 97:7

Ya xq'uexawic spisil mach'atic ya sch'uhuntayic loc'ombahetic, ha te mach'atic stoyoj sbahic yu'un te loc'ombahetique. Spisil te diosetic ya squejan sbahic ta stojol.

Isaías 48:20

¡Loc'anic ta Babilonia! ¡Ahnanic loq'uel ta stojol te caldeohetique! ¡Pucbeyahic sc'oblal ta aw soc yutsil awo'tanic, halbeyahic sc'oblal c'alal ta sti'il te q'uinale! Hich me yac awalic: Te Jehová la yaq'uix ta libre te Jacob te a'bat yu'une, chihanic me.

Jeremías 4:6

¡Toyahic te bandera ta stojol Sión, ahnanic, ma me xacom abahic! Como ya xbaht quic' tal ta stojol norte tulan wocol soc muc'ul jinel.

Jeremías 51:12

¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

Jeremías 51:27

¡Toya mohel bandera ta q'uinal, oq'uesinahic corneta ta yohlil te nacionetique! ¡Chahpanahic pueblohetic yu'un ya'beyel guerra, tsobahic tal nacionetic ta scontrahinel, ha te Ararat, Mini soc Askenaz! ¡Lehahic jtuhl capitán te ya scontrahin, ac'a mohuc tal cawuhetic hich te bin ut'il c'ahc'al c'ulubetic!

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Daniel 3:14

Te Nabuconosor hich la yalbeyic: ¿Melel bal, Sadrac, Mesac soc Abed-nego, te ma ba yac awich'ic ta muc' te diosetic cu'un, te ma ba yac ach'uhuntayic te loc'omba pasbil ta oro te jtehc'anej?

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.