Jeremías 50:12 - Bible in Tzeltal Bachajón

¹² pero bayel ya xq'uexaw te ananic, ya xpehc'anot te mach'a la yayintesex. Ha peq'uel ya xc'oht yu'un spisil te nacionetic, ha taquin q'uinal, taquin lum, jochol taquin q'uinal ya xc'oht.

Bible in Tzeltal de Oxchuc y Tenejapa

¹² Ja'uc me to, te alumal ta bay ayinate, nojel ta q'uexlal ya xjil. Ya xc'atp'ujatix ta slajibal yu'un te nacionetique, jochol taquin q'uinal soc tan me ya xjilat.

Jeremías 50:12 Referans Kwoze

Jeremías 51:43

Jochol hilic te pueblohetic yu'un, te q'uinal taquin soc jochol hil, ha q'uinal te mayuc mach'a ya xnahin tey a, mayuc mach'a ya xc'ax tey a.

Apocalipsis 17:5

Ta sti'ba ay bihilil ts'ihbabil te muquen ay ta na'el: Muc'ul Babilonia, Snan J'antsinel Antsetic soc Bintic Ilobtic Sba ta Bahlumilal, xchi te sbihile.

Gálatas 4:26

Yan te Jerusalén ta toyol, libre ay stuquel, ha jnantic te ho'otique,

Jeremías 49:2

Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Jeremías 25:26

spisil te ajwaliletic ta stojol norte, te nopol ayic soc namal ayic, ta tuhlultuhl, spisil te ajwaliletic te ayic ta bahlumilal. Ta slajibal ya me yuch' te ajwalil yu'un Babilonia.

Jeremías 25:12

Te c'alal ya sts'acay te lajuneb schanwinic (70) ha'bil, ya ca'be castigo te ajwalil yu'un Babilonia soc te nación yu'un, ha te sq'uinal te caldeohetic, ta scaj smulic, xchi te Jehová, soc ya jc'atp'un ta jochol jimbil q'uinal te stalel ya xhile.

Isaías 23:13

¡Ilawil te q'uinal yu'un te caldeohetique! Ma ba cuxulix te pueblo ini. Te Asiria la sutp'in ta yawil ti'awal chambahlametic yu'un jochol taquin q'uinal. La spasic toyol mohibal ts'ahquetic, la sjinticlanic te muc'ul nahetic, busul hil yu'unic.

Isaías 14:22

Ya xhahchonix ta scontrahinel, xchi te Jehová te scuentahinej spisil, ya jlajimbe sbihil soc te mach'atic hilemic yu'un Babilonia, te yal-snich'nab soc smamatac, xchi te Jehová.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Jeremías 15:9

Laj yip te mach'a ay huqueb yalatac, loc' sch'uhlel; mahl te c'ahc'al yu'un aunque ay to te c'ahc'ale; la yich' q'uexlaltesel soc pehc'anel. Te mach'atic yu'un te cuxul hilic ya cac' te ya xlaj ta espada ta stojol te scontrahic, xchi te Jehová.

Jeremías 22:6

Te Jehová hich ya yalbe sc'oblal te sna ajwalil yu'un Judá: Hich c'ohemat ta jtojol te bin ut'il Galaad, hichat te bin ut'il te ba wits yu'un Líbano; pero ya me jc'atp'unat ta jochol taquin q'uinal, hich ya xc'ohat te bin ut'il pueblohetic te mayuc mach'a nahinem tey a.

Jeremías 51:47

Ha yu'un, ilawil, ya xtal sc'ahc'alel te ya ca'be castigo te loc'ombahetic yu'un Babilonia. Spisil te sq'uinal ya xq'uexaw, soc spisil te mach'atic yu'un te ya xlajic tey ya xhilic ta yohlil a.