Jeremías 5:5 - Bible in Tzeltal Bachajón

⁵ Ya xbaht jc'opon te mach'atic muc' sc'oblalic, como ya sna'ic te be yu'un Jehová, te bin ya sc'an te Dios yu'unique, xchihon. ¡Pero ha'ic nix la swuyic te yugo, la stuch'ticlanic te schucojbilique!

Bible in Tzeltal de Oxchuc y Tenejapa

⁵ Jich yu'un ya me xba jc'opon te ants-winiquetic te muc' sc'oplalique. Ja'ic wan te ma ba wocol ya sna'ic te bila ya sc'an yo'tan te Cajwaltique, te bila mandal yu'un Dios”, xoon yu'un. Ja'uc me to, ni me'baetic, ni ja'uc te mach'atic muc' sc'oplalic, spisil la stoy sbaic ta stojol te Diose, ma la sc'an la xch'uunbeyic te sc'ope.

Jeremías 5:5 Referans Kwoze

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

San Lucas 19:14

Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

San Lucas 18:24

C'alal Jesús la yil te bayel smeloj yo'tan, hich la yal: ¡Te mach'atic ay sc'uhlejalic mero wocol ya x'ochic ta banti ay te cuentahinel yu'un Dios!

Malaquías 2:7

Como te ye te sacerdotehetic ya sc'an ya scanantay te p'ijil-o'tanil, soc tey ya sle a te Ley te pueblohe; como te sacerdote ha jal-c'op yu'un Jehová te scuentahinej spisil.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Éxodo 32:25

Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Ezequiel 11:2

Hich la yalbon te Jehová: Snich'anat winic, te winiquetic ini ha'ic te ya snopic te bin chopol soc te ya ya'beyic te pueblo j'ac'-o'tanil te ma lecuc.

2 Crónicas 36:14

Hich nix spisil te jtsobawetic yu'un te sacerdotehetic soc te pueblo, la sp'oltesic te mulil, la st'unic te bintic ilobtic sba te ya spasic te nacionetic, la sbohlobtesbeyic sc'oblal te sna Jehová te ch'ultesbil yu'un ta Jerusalén.

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Jeremías 8:7

Te cigüeña-mut ta sjamalil ch'ulchan ya sna' te jujucaj yorahil, soc te xpuliwoc, te ulich soc te smutil ha' ya sna'ic te bin ora ya suhtic talel; yan te pueblo cu'un ma sna'be sba te mandariletic yu'un Jehová.

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!