Jeremías 5:22 - Bible in Tzeltal Bachajón

²² ¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Bible in Tzeltal de Oxchuc y Tenejapa

²² Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Jeremías 5:22 Referans Kwoze

Salmos 104:9

La awa'be smojonil yu'un ma xc'axic a, ma ba ya xmucotix te lumq'uinale.

Job 26:10

Ya'beyej sti'il te sba te ha' te banti quechel te sacal q'uinal soc te yihc'al q'uinale.

Proverbios 8:29

te c'alal la ya'be sti'il te mar scuenta yu'un te ha'etic ma ba ya sc'axuntaybe smandar, soc te c'alal la ya'be yich'o-ip te lumq'uinal,

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

Deuteronomio 28:58

Teme ma ba yac apas spisil te c'opetic ya yal ta Ley te ts'ihbabil hilel ta hun ini, teme ma ba yac awich' ta muc' te bihilil te ay yutsilal soc te xiweltic sba yu'un te Jehová te Dios awu'une,

Nahúm 1:4

Ya yut te mar, ya yac' taquijuc, ya yac' taquijuc spisil te muc'ul-ha'etic. Te Basán soc te Carmelo ya xuch'ub, soc ya xluhbaj te nichim yu'un Líbano.

Jeremías 10:7

¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

San Marcos 4:39

Hich hahch te Jesús, la scom te ic' soc la yalbe te mar: Ch'aban, lahmajan, la yut. Ch'ab te iq'ue, buen lamal q'uinal c'oht.

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Amós 9:6

Ha la spas sna ta ch'ulchan soc la ya'be yich' yip te sjamalil ch'ulchan ta yahc'olal te lumquinale; ha ya yic' tal te ha'etic yu'un te mar, soc ya smal bahel ta sba te lumq'uinal: ha Jehová te sbihile.

Salmos 99:1

Te Jehová ha ajwalil, ya xnihc te pueblohetic yu'un. Hucul ta smuc'ul-huctajib ta yohlil te querubinetic, ya snihc sba te lumq'uinale.

Salmos 33:7

Ya sbusan ta jtsohb nax te ya'lel mar; ya yac' ta sq'uejojibal te sc'ubulile.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

San Lucas 12:5

Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Génesis 1:9

Soc la yal te Diose: Ac'a syom sba te ha'etic ay ta ye'tal ch'ulchan, ac'a chicnajuc lumq'uinal, xchi. Hich c'oht yu'un.

Job 38:8

¿Mach'a la smac ta puertahetic te mar te c'alal t'ohm hahchel ta sch'uht,

Salmos 46:3

aunque tulan ya xc'opoj soc ya xbuhlan te ha'etic, soc ya syuq'uilan sbahic te witsetic yu'un te yipe. Selah

Isaías 64:2

hich te bin ut'il c'ahc' te ya schic' te ch'ixtiquil, te ha te ya sbuhlantes te ha'e! Hich yac awac' te ya sna'bat aba te acontratac soc te ya xnihquic ta atojol te nacionetique.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Amós 4:12

Ha yu'un, ha nix hich ya jpasbat, Israel; soc te bin ut'il hich ya jpasbat, ¡chahpan aba te yac ata aba soc te Dios awu'un, Israel!

1 Reyes 13:28

hich baht. La sta te schamen-baq'uetal soc te burro soc te choj ayic ta sts'ehl. Te choj ma ba swe'beyej te schamen-baq'uetal soc mayuc bin spasbeyej te burro.

Job 37:24

Ha yu'un ya x'ich'ot ta muc' yu'un te ants-winiquetic; mayuc ta cuenta yu'un te mach'a ya scuy sba ta p'ij, xchi te Eliú.

Jeremías 31:35

Hich yaloj te Jehová, te ya yac' te c'ahc'al scuenta sacal q'uinal ta c'ahc'alel, soc te ya yalbe mandar te u soc te eq'uetic te ya xtihlic ta ahc'abal; te ya ya'be stij sba te mar soc ya xc'opoj te tulan stselajan, ha Jehová te scuentahinej spisil te sbihile, hich ya yal:

Jonás 1:16

Hich te winiquetic bayel la xi'ic te Jehová; la ya'beyic milbil smahtan soc ay bin la yalic ta jamal ta stojol.