Jeremías 5:19 - Bible in Tzeltal Bachajón

¹⁹ C'alal ya sjoc'oyic: ¿Bin yu'un te hich la spasbotic te Jehová te Dios cu'untic? teme xchihique, hich yac awalbe: Hich te bin ut'il la awihquitayonic soc la awac' abahic ta a'batinel ta stojol yan diosetic ta aq'uinalic, hich yac awac' abahic ta a'batinel ta stojol jyanlumetic ta yan q'uinal, uta me, xchi.

Bible in Tzeltal de Oxchuc y Tenejapa

¹⁹ C'alal jich ya sjojc'obeyex: “¿Bi yu'un te Cajwaltic Dios cu'untic te la spasbotic jiche?” teme xiique. Albeya: “Ja' laj yu'un te la awijq'uitayic ta awo'tanic te Cajwaltique, te ba awac' abaic ta abatinel yu'un lotil diosetic ta sq'uinalic, ja' nix laj me jich ya xba awac' abaic ta abatinel yu'un jyanlum winiquetic ta sq'uinalic”, uta me —xi'.

Jeremías 5:19 Referans Kwoze

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Jeremías 13:22

Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Lamentaciones 5:8

Ha ajwalil c'oht cu'uncotic te mosohetique, mayuc mach'a ya yac'otic ta libre ta sc'abic.

Jeremías 2:35

Mayuc jmul; ma ba ilinem Dios ta jtojol, xchihat. Ya xhahch jchahpanat, como la awal: Mayuc jmul, te xchihate.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Jeremías 2:14

¿Ha bal a'bat te Israel? ¿Ayin bal ta mosohil? ¿Bin yu'un hiche te pojbil biluc c'ohem?

Jeremías 5:18

Pero te bin c'ahc'alil te hich ya xc'oht ta pasel, xchi te Jehová, ma ba jc'axel ya jlajinex.

Jeremías 5:20

Hich me yac apuc ta halel ta stojol te sna Jacob soc hich me yac awal ta Judá:

Jeremías 9:13

Hich la yal te Jehová: Como la yihquitaybon te ley cu'un te la jcac' ta stojolic; ma ba la sch'uhumbonic te jc'op soc ma ba la st'unic bahel.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.