Jeremías 5:17 - Bible in Tzeltal Bachajón

¹⁷ Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Bible in Tzeltal de Oxchuc y Tenejapa

¹⁷ Ya me swe'elinbat te bila loq'uem ta c'ajel awu'une soc ya me swe'bat te awaje, soc ya me sbic'bat c'oem te anich'nab queremetic soc te ach'ixetique. Ya me sti'beyex te chijetic awu'unic, te awacaxic, te ts'usubiltic soc te higueraetic awu'une. Ta yat'ejibic yu'un guerra ya sjinic a te lumetic tulanic sts'ajc'ul te smuc'ulinej awo'tanique —xi' te Cajwaltique.

Jeremías 5:17 Referans Kwoze

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Levítico 26:16

hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Sofonías 3:6

La jcac' jihnuc nacionetic, jimbilic te toyol bahlal ts'ahquetic yu'unique; jochol hil cu'un te callehetic yu'unic, mayuquix mach'atic ya xc'axic tey a, jimbiliquix te pueblohetic yu'unic, mayuquix jtuhluc te ya xnahin tey a.

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Ezequiel 36:4

ha yu'un, witsetic yu'un Israel, a'iybeya awa'iyic te sc'op Jehová, te Ajwalil: Hich yaloj te Jehová, te Ajwalil, ta stojol te witsetic soc tsehletic, te uc'umetic soc te spamlejtic, te bintic jimbilic soc te pueblohetic te mayuc mach'atic nahinemic tey a, te c'atp'ujic ta bintic pojbilic soc te labanot yu'un te yantic nacionetic ta sjoyobal,

Lamentaciones 2:2

Te Cajwaltic la sjin, ma ba la sna'be yo'bolil sba; soc sc'ahc'al yo'tan la sjinticlan spisil te nahilpaq'uetic yu'un Jacob; la sjin cohel ta lum te ahnibal ts'ahquetic yu'un te Judá; la spehc'an te ban c'alal scuentahinej soc te príncipaletic yu'une.

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Jeremías 50:7

Lajinotic yu'un spisil te mach'atic tahotic yu'une; hich la yalic te scontratac: Ma jmulticuc ho'otic, como ha la sta smulic ta stojol Jehová, te banti ya xnahin te bin stojil ta pasel, te ha smuc'ul yo'tanic te sme'static, xchihic.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 4:26

La jquil, c'atp'ujem ta jochol taquin q'uinal te yaxal q'uinale, soc spisil te pueblohetic yu'un jihnticlambilic ta stojol te Jehová, ta stojol te sc'ahc'al yilimba.

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Isaías 65:22

Ma ba ya spasic nahetic te yan mach'atic ya xnahinic tey a, soc ma ba ya ya'iy ts'umbajel te yan mach'a ya swe'. Como te yorahil te pueblo cu'un hich ya xc'oht te bin ut'il jtehc' te', te mach'atic tsahbilic cu'un ya me ya'iybe yutsilal te ya'tel sc'abique.

Isaías 62:9

pero te mach'atic ya stsobic ha nix ya swe'ic, soc ya me yalbeyic yutsil sc'oblal te Jehová; soc te mach'atic ya stulbeyic sit ts'usubil ya me yuch'ic ta amaq'uetic yu'un te ch'ul awilal cu'une, xchi te Jehová.

Isaías 62:8

Te Jehová, ta scuenta swa'el sc'ab te ay bayel yu'el, hich la yal ta jamal: Ma ba ya caq'uix te ha swe'el acontratac ya xc'oht te trigo awu'un, soc te jyanlumetic te ya yuch'beyic te vino te ha sit te awa'tele;

Jeremías 5:18

Pero te bin c'ahc'alil te hich ya xc'oht ta pasel, xchi te Jehová, ma ba jc'axel ya jlajinex.

Jeremías 8:13

Ya jlajimbe spisil, xchi te Jehová, ma ba ya xhil ts'usub ta sc'ab, mayuc higohetic ta ste'el, ya xluhbaj ya'binal, te bintic ca'beyej, ya xc'ax ta stojolic, xchi.

Jeremías 25:37

Te t'ujbil aquiltic ya yich'ic lajinel ta scaj sc'ahc'al yilimba te Jehová.

Lamentaciones 2:12

Hich ya yalbeyic te snanic: ¿Banti ay te pan soc te vino? xchihic c'alal ya xyahlic ta callehetic yu'un te pueblo hich te bin ut'il mach'atic ehchentesbilique.

Oseas 2:12

Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Malaquías 1:4

Teme hich ya yal te Esaú: Aunque pobre c'ohemotic, ya jcha'pastic xan te bintic jimbilic, teme xchihe, hich yaloj te Jehová te scuentahinej spisil: Ya spasic, pero ho'on ya jimbe. Ha chopol q'uinal ya xc'oht te sbihile, soc ha pueblo te stalel ilintayot yu'un Jehová, xchi sc'oblal.

Joel 2:3

Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.