Jeremías 5:15 - Bible in Tzeltal Bachajón

¹⁵ Sts'umbalex Israel, ya quic' tal ta atojol jun nación te namal ay, xchi te Jehová; jun nación te ay yip soc te nameyix, te ma xana'beyic sc'op, ma xawa'iy te bin ya yalique.

Bible in Tzeltal de Oxchuc y Tenejapa

¹⁵ Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Jeremías 5:15 Referans Kwoze

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Jeremías 4:16

Hich me xawalbe te nacionetic, halbeya te Jerusalén: Yac ta talel ta namal q'uinal mach'atic ya x'ochintaywanic, ya x'awonic yu'un guerra ta scontrahinel te pueblohetic yu'un Judá.

Isaías 33:19

Ma ba yac awiliquix te jtoyba pueblo, te pueblo te wocol ta a'iybeyel sc'op, te ma xna'bot bin ya yal, te mayuc mach'a ya sna'be scuentahil.

Isaías 28:11

Ha yu'un ta xha'hon c'op soc ta yan c'opil Dios ya sc'opon te pueblo ini,

Isaías 5:26

Ya stoy mohel bandera yu'un yiq'uel tal te nacion te namal ay, ya xuxubtay te mach'a ay ta sti'il te bahlumilal. Ilawil, ahnimal ya xtal ta ora.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

1 Corintios 14:21

Hich ts'ihbabil ta Ley: Aunque ya xc'opojon ta stojol te pueblo ini ta scuenta yan c'op soc ta scuenta ye jyanlumetic, ma ba ya ya'iybonic jc'op, xchi te Cajwaltique.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Jeremías 6:22

Hich yaloj te Jehová: Ilawil, yac ta talel jun pueblo ta q'uinal ta stojol norte, jun muc'ul nación ya xhahch ta sti'il te bahlumilale.

Jeremías 5:11

Te sts'umbal Israel soc te sts'umbal Judá jc'axel ma ba jun yo'tanic ta jtojol, xchi te Jehová.

Jeremías 2:26

Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Isaías 29:3

Ya joytayat ta contrahinel; ya joytayat ta mohibal ts'ahc soc ya jach mohibal te' ta acontra.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Daniel 7:7

Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.

Génesis 11:7

Ha yu'un cohucotic bahel, ya jc'atp'umbetic sc'opic scuenta yu'un hich ma xya'iybe sba sc'opic ta tuhlultuhl a, xchi.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Salmos 81:5

Ha la yac' scuenta testigo-c'op ta stojol José te c'alal loc' tal ta sq'uinal Egipto. La jca'iy c'op te ma ba jna'oj, hich la yal:

Isaías 39:3

Ha yu'un te jalwanej Isaías baht ta stojol te ajwalil Ezequías, hich la sjoc'obe: ¿Bin la yalic te winiquetic, soc banti talemic? xchi. La sjac' te Ezequías: Namal talemic, talemic ta Babilonia, xchi.

Daniel 1:4

ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique.

Amós 6:14

Hich ya yal te Jehová, te Dios te scuentahinej spisil: Ho'on ya jach jun nación ta atojolic, sna Israel, te ya yuts'inex c'alal ta yochibal Hamat ha to c'alal ta uc'um yu'un Arabá, xchi.

Habacuc 3:16

La jca'iy, la syuc' sba jch'uht yu'un; nihc que yu'un te sc'ope. Och sc'a'el ta jbaquel, jcohtol nihcon yu'un. Lamal co'tan ya jmahliy te sc'ahc'alel wocol te ya xc'oht ta stojol te pueblo te ya ya'botic guerra.