Jeremías 5:10 - Bible in Tzeltal Bachajón

¹⁰ C'axanic bahel ta chohlochohl te sts'usubilic, jinticlanahic; pero ma jc'axeluc xajin. Jepticlambeyahic te sc'abc'ab, como ma yu'unuc Jehová.

Bible in Tzeltal de Oxchuc y Tenejapa

¹⁰ Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.

Jeremías 5:10 Referans Kwoze

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

San Mateo 22:7

C'alal hich la ya'iy te ajwalil, ilin yu'un, la sticon bahel soldadohetic yu'un, la slajin te jmilawetic soc la schic'be te pueblo yu'unique.

Oseas 1:9

Te Jehová la yal: A'beya sbihilin Lo-ami, como te ha'exe ma ha'uquex pueblo cu'un, soc ma ho'uconix Dioson awu'unic.

Jeremías 39:8

Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Amós 9:8

Te sit te Jehová te Ajwalil ay ta stojol te mulawil nación, ya jtup' bahel ta sba te lumq'uinal, pero ma ba ya jlajin spisil te sna Jacob, xchi te Jehová.

Ezequiel 14:17

O teme ya cac' taluc espada ta stojol te q'uinal, teme hich ya cal: ¡Espada, c'axan bahel ta q'uinal! teme xchihone, soc teme ya cac' lajuc ants-winiquetic soc chambahlametic tey a,

Ezequiel 12:16

Pero ya cac' te cha'oxtuhlic ya x'ahnic loq'uel ta stojol te espada, te wi'nal soc te jmilawal-chamel, scuenta yu'un ta nacionetic te banti ya xbahtic ya me yalic spisil te bintic ilobtic sba la spasique. Ya me sna'ic te ho'on Jehovahon, xchi.

Jeremías 46:28

Ha'at, Jacob, a'bat cu'un, ma xiwat, como joquinejat, xchi te Jehová. Ya jinticlan spisil te nacionetic te banti la jpuquex bahele. Pero te ha'ate ma ba jc'axel ya jinat; stojil ya ca'bat castigo, ma me hichuc nax ya quihquitayat, ya me ca'bat castigo, xchi te Jehová.

Jeremías 30:11

Como ho'on joquinejat yu'un ya jcoltayat, xchi te Jehová. Ya jlajinlan spisil te nacionetic te banti la jpucticlanex bahele, yan te ha'ate ma ba ya jlajinat atuquel, aunque stojil ya ca'bat castigo; ma yu'unuc ma ba ya ca'bat castigo, xchi.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 5:18

Pero te bin c'ahc'alil te hich ya xc'oht ta pasel, xchi te Jehová, ma ba jc'axel ya jlajinex.

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

Jeremías 5:9

¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Jeremías 5:11

Te sts'umbal Israel soc te sts'umbal Judá jc'axel ma ba jun yo'tanic ta jtojol, xchi te Jehová.

2 Crónicas 12:4

La yu'untay te pueblohetic te ay sts'ahculic ta sq'uinal Judá, soc c'oht c'alal ta Jerusalén.

Jeremías 2:21

La jts'unat hichuc tsahbil ts'usub, ta spisil lequil sbac' ts'unubil. ¿Bin ut'il ay a te c'atp'ujat ta jtojol ta yan ts'usubil?