Jeremías 49:7 - Bible in Tzeltal Bachajón

⁷ Hich ay sc'oblal te Edom. Hich yaloj te Jehová te scuentahinej spisil: ¿Ma bal ayuquix p'ijil-o'tanil ta Temán? ¿Laj balix te j'ac'-o'tanil yu'un te mach'atic p'ijique? ¿Jihn balix te sp'ijilique?

Bible in Tzeltal de Oxchuc y Tenejapa

⁷ Ja' sc'oplal Edom yu'un Cajwaltic te Spisil ya xju' yu'une: —¿Yu'un bal ma'yuquix mach'a ay sp'ijil ta Temán? ¿Yu'un bal ma sna'iquix te bila ya spasic te mach'atic ay sp'ijil sjolique? ¿Ch'ay balix te sp'ijilique?

Jeremías 49:7 Referans Kwoze

Jeremías 49:20

Ha yu'un a'iya awa'iyic te bin schapoj Jehová ta stojol Edom, te bin snopoj te ya spasbe te mach'atic nahinemic ta Temán. Ya me stasic bahelte mero tut tuminchijetic yu'un te jtsob tuminchijetic, pajal ya slajinic soc te yaxal aquiltic yu'unique.

Jeremías 25:21

te Edom, Moab soc Amón;

Génesis 36:15

Hich ay sbihilic te jtsobawetic yu'un te snich'nab Esaú: Te sts'umbal Elifaz te sba-nich'an te Esaú: ha Temán, Omar, Zefo, Cenaz,

Génesis 25:30

ha yu'un la yalbe te Jacob: Awocoluc, a'bon jwe' te paybil tsajal we'elil, yu'un ya xchamonix ta wi'nal, xchi. (Ha scuentahil te Edom sbihil c'oht.)

Job 2:11

Ay oxtuhl yamigotac te Job, ha te Elifaz te talem ta Temán, Bildad te talem ta Súa, soc Zofar te talem ta Naamat. Te c'alal la ya'iyic spisil te bin wocol c'oht ta stojol, jujutuhl hahchic tal ta slumalic, como schapojic te pajal ya xtal sjoquinic ta sc'asesel swocol soc ta smuc'ubtesbeyel q'uinal ya'iy.

Génesis 36:11

Te snich'nab Elifaz: ha Temán, Omar, Zefo, Gatam soc Cenaz.

Habacuc 3:3

Ya xloc' tal Dios ta Temán, ya xloc' tal te Ch'ul Dios ta wits Parán. Te yutsilal la snojes te ch'ulchan, noj te bahlumilal ta halbeyel yutsil sc'oblal.

Joel 3:19

Jimbil ya xc'oht te Egipto soc ya sutp'ij ta jochol taquin q'uinal te Edom, ta scaj te la yuts'in te sts'umbal Judá, como ta slumalic la smalbeyic sch'ich'el te mach'atic mayuc smulic.

Daniel 11:41

Ya me x'och ta q'uinal te ay yutsilal, bayel ta jsehp q'uinal ya xyahlic ta stojol; pero ya xcol stuquelic te Edom, Moab soc jteb ma spisiluc te sts'umbal Amón.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Isaías 29:14

Ha yu'un yan xan buelta ya cac' ch'ayuc yo'tanic te pueblo ini ta scuenta jchahp a'teliletic; ya xch'ay te p'ijil-o'tanil yu'un te mach'atic p'ij yo'tanic, ya xtup' bahel te bin sna'oj te mach'atic ay bin ya sna'ic, xchi.

Salmos 137:7

Na'a me, Jehová, te edometic te hich la yalic c'alal jihn te Jerusalén, ¡Jinahic, jinahic c'alal ta yich'o-ip! te xchihique.

Job 4:1

Ha yu'un te Elifaz te talem ta Temán la sjac'be sc'op te Job:

1 Crónicas 1:53

Cenaz, Temán, Mibzar,

Deuteronomio 23:7

Ma me xawihlay te edometic, como awermanotac stuquelic. Ma me xawihlay te egipciohetic, como ha jyanlum ayinat ta sq'uinal.

Génesis 36:34

Cham te Jobab, ha la sjelolin ta ajwalil te Husam te talem ta sq'uinal Temán.

Génesis 36:8

Hich c'oht nahinuc ta witsiltic yu'un Seir te Esaú, te Edom yan sbihile.

Génesis 27:41

Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Génesis 32:3

Te Jacob nahil la sticon bahel jal c'opetic ta stojol te sbanquil Esaú ta sq'uinal te Seir, ta sq'uinal Edom.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Jeremías 25:23

te Dedán, Tema soc Buz, soc spisil te mach'atic ya squits' stsotsel sjolic,

Ezequiel 32:29

Tey ayic a te Edom soc te ajwaliletic soc spisil te yal-snich'nab ajwalil. Aunque bayel yipic, ac'otic hilel ta yohlil te mach'atic lajemic ta espada; limil ya xhilic soc te mach'atic ma ba yich'ojic circuncisión, te mach'atic ya xcohic bahel ta muquenal.

Isaías 21:11

Ha te sc'op jalwanej ta stojol Duma: Ay mach'a la yawtayon c'alal ta Seir: J'il-q'uinal, ¿jayeb ora yihc'ubel q'uinal? J'il-q'uinal, ¿jayeb ora yihc'ubel q'uinal? xchi.

Lamentaciones 4:21

¡Tse'eluc me awo'tan, ayuc me yutsil awo'tan, yantsil-nich'anat Edom; ha'at te ya xnahinat ta sq'uinal Uz! Ha nix ya xc'oht ta atojol te copa, ya me xyacubat soc watal ya xhilat.