Jeremías 49:25 - Bible in Tzeltal Bachajón

²⁵ ¡Ilawil bin ut'il ihquitayot te pueblo te halbot yutsil sc'oblal, te pueblo te ya smulan co'tan!

Bible in Tzeltal de Oxchuc y Tenejapa

²⁵ Te lum pujq'uem nax sc'oplal, te bin nax yo'tane, ijq'uitayotix jilel.

Jeremías 49:25 Referans Kwoze

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Jeremías 51:41

¡Bin ut'il tsalbilix te Babilonia! ¡Bin ut'il ochintaybilix te bin halbil lec sc'oblal ta spahmal bahlumilal! ¡Ilawil, xiweltic sba c'oht te Babilonia ta yohlil te nacionetique!

Apocalipsis 18:10

Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Jeremías 48:39

¡Oq'uetaya! ¡Ilawil bin ut'il jc'axel laj! ¡Ilawil bin ut'il la sut spat te Moab soc la sta q'uexlal! Te Moab la yich' labanel soc xi'bil yu'un spisil te mach'atic ayic ta sjoyobal.

Jeremías 48:2

¡Ma ba ya xhalbotix yutsil sc'oblal te Moab! ta Hesbón la schahpambeyic chopol sc'oblal, hich la yalic: La'ic, jc'axel ac'a jlajintic ta yohlil te nacionetic. Ha nix hichat, Madmén, yac awich' jinel, ya me snutsat te espada.

Isaías 1:26

Ya cac' te hich ya xc'oht te juecetic awu'un te bin ut'il ta nahil to, soc te j'ac'-o'taniletic awu'unic hich te bin ut'il ta shahchibal; ta patil hich ya x'a'botat abihilin: Pueblo yu'un tojil-o'tanil, Pueblo te jun yo'tan ta jtojol.