Jeremías 49:22 - Bible in Tzeltal Bachajón

²² Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.

Bible in Tzeltal de Oxchuc y Tenejapa

²² Te contro ya me xwilic bael ta stojol Bosra, jich bit'il águila te slich'oj xiq'ue. Te bi c'aalile, te soldadoetic yu'un Edom ya me xnijq'uic jich bit'il ya x'alaj ants —xi'.

Jeremías 49:22 Referans Kwoze

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Isaías 13:8

Bayel me ya xiwic, ya xcuentahinotic yu'un wocol soc sc'uxul; hich sc'uxul te bin ut'il ya x'ayin yal te antse. Xcham yo'tanic jujutuhl te c'alal te ya yil sbahic, stsacoj c'ahc' te sit yelawic.

Jeremías 49:24

Laj yip te Damasco, ya xbaht ta ahnel, tsacot yu'un xiwel soc wocol, tsacot yu'un sc'uxul, hich te bin ut'il ants ya x'alaj.

Jeremías 30:6

Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Daniel 7:4

Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Jeremías 22:23

Ha'at te nahinemat ta Líbano, te apasoj apechech ta cedrohetic, ya me x'ahcanajat te c'alal ya xtal te sc'uxule, ha te sc'uxul hich te bin ut'il ants ya x'alaj.

Jeremías 13:21

¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Isaías 26:17

Hich te bin ut'il ants te swoloj yal te nopol ya x'ayin, te ya x'ahcanaj soc ya x'awon yu'un sc'uxul, hich ayotcotic ta atojol, Jehová.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

Salmos 18:5

La sbech'on la jca'iy te lazohetic yu'un te muquenal; la slim sbahic ta jtojol te yaquiletic yu'un te lajele.

Proverbios 30:19

ha te sbe jxic ta toyol, te sbe chan ta tontiquil, te sbe barco ta yohlil mar, soc te sbe querem ta stojol ach'ix.

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Jeremías 50:36

Ac'a yich'ic contrahinel yu'un espada te jna'ojeletic, hich sonso ya xc'ohtic; ac'a yich'ic contrahinel yu'un espada te mach'atic ay yipic, hich ya yich'ic lajinel.

Abdías 1:9

Te mach'atic awu'un te ay yipic, Temán, ay me tulan xiwelic, spisil ants-winiquetic ta witsiltic yu'un Esaú ya yich'ic lajinel.

Jeremías 50:43

Te ajwalil yu'un Babilonia la ya'iybe sc'oblal, laj yip sc'ab yu'un, u'untayot yu'un tulan mel-o'tan soc sc'uxul hich te bin ut'il ants te ya x'alaj.