Jeremías 49:2 - Bible in Tzeltal Bachajón

² Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Bible in Tzeltal de Oxchuc y Tenejapa

² “Lec ay, jo'on Ajwalilon, jich ya cal: Ya me xc'ot sc'aalelal te ya cac'bey yaiy stojol te aw yu'un guerra te amonetic ta lum Rabá. Ta busulbus me ya xc'atp'uj ta jinem ts'ajc'; te juju-jpam lum ta sjoylejal ya me xtilic ta c'ajq'uel. Jich yu'un te Israel ya me yu'unin xan te lumetique. Jo'on Ajwalilon, jich ya cal.

Jeremías 49:2 Referans Kwoze

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Ezequiel 21:20

Ya me apasbe seña te be te banti ya xtal te espada ta stojol Rabá yu'un te amonetic, soc ta stojol Judá, ta scontrahinel Jerusalén, te pueblo te ay sts'ahcule.

Deuteronomio 3:11

(Te Og ajwalil yu'un Basán ha slajibal te nahtil winiquetic. Te swayib pasbil ta taq'uin, ha baluneb xuhc'ubil snahtil soc chaneb xuhc'ubil sjamalil; ay ta Rabá te ay ta sq'uinal te snich'nab Amón.)

Amós 1:14

Ya ca'be sc'ahc'al te ts'ahc yu'un Rabá, ha ya slajinlan te tulan ts'ahquetic yu'un, soc xnilet ta yorahil guerra, soc tulan ic' ta yorahil ic'al-ha'al.

2 Samuel 11:1

Ta yorahil ya x'ach'ub ya'binal te'etic, te bin ora ya xloq'uic bahel ta guerra te ajwaliletic, te David la sticon bahel te Joab soc te a'batetic yu'un soc spisil Israel. La slajinic te amonetic soc la sjoytayic te Rabá. Pero hil ta Jerusalén te David.

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Salmos 97:8

La ya'iy te Sión, tse'el yo'tan yu'un, soc te yantsil-nich'nab Judá tse'el yo'tanic yu'un te chahpanel awu'un, Jehová.

Salmos 48:11

Tse'el yo'tan te wits yu'un Sión, tse'el yo'tanic te yantsil-nich'nab Judá ta scaj te chahpanel awu'une.

Números 21:25

Hich te Israel la yich'beyic soc la snahinic spisil te pueblohetic yu'un te amorreohetic, te Hesbón soc spisil te pueblohetic yu'un.

Abdías 1:19

Te mach'atic ayic ta Neguev ya me yu'untayic te wits yu'un Esaú, soc te mach'atic ayic ta tsehletic ya me yu'untaybeyic sq'uinal te filisteohetique; soc ya me yu'untaybeyic te sq'uinal Efraín soc te sq'uinal Samaria. Te Benjamín ya me yu'untay Galaad.

Números 10:9

Te c'alal ayex ta aq'uinalic soc ya xloq'uex bahel ta guerra soc acontra te ya xtal scontrahinex, ya me awoq'uesinic cornetahetic scuenta tijel hachel. Hich ya xna'botex yu'un Jehová te Dios awu'unic soc ya xcolex ta sc'ab acontrahic.

Deuteronomio 13:16

Yac atsobe spisil te sbiluc ta mero yohlil te pueblo, ya achic' te pueblo soc spisil sbiluc scuenta scohtol chic'bil mahtanil yu'un te Jehová te Dios awu'une. Stalel but'bil tsehl ya xhil ta jinel, ma me ayuc bin ora ya yich' xan pasel.

Josué 17:11

Soc te Manasés ay tut pueblohetic yu'un ta sq'uinal Isacar soc Aser, ha te Bet-seán, Ibleam, te mach'atic nahinemic ta Dor, Endor, Taanac soc Meguido, soc te tut pueblohetic yu'unique; oxsehp q'uinal.

Josué 17:16

La yalic te snich'nab José: Ma ba tic'otcotic a te witsiltic ini. Soc spisil te cananeohetic te nahinemic ta spamlej ay scarretahic pasbilic ta taq'uin, ha te ayic ta Bet-seán soc te tut pueblohetic yu'un, soc te ayic ta spamlej yu'un Jezreel, xchihic.

Isaías 17:1

Ha te bin halbot sc'oblal te Damasco: Ilawil, te Damasco ma pueblohuc ya xc'oht; ha busul jihnem ts'ahquetic ya xhil.

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Ezequiel 21:25

Ha'at ajwalilat yu'un Israel te chopolat soc bohloben ac'oblal, te la stahix aworahil te yac awich' te castigo scuenta slajibal,