Jeremías 49:16 - Bible in Tzeltal Bachajón

¹⁶ Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Bible in Tzeltal de Oxchuc y Tenejapa

¹⁶ Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Jeremías 49:16 Referans Kwoze

Amós 9:2

Aunque ya sjoq'uic c'alal ta stsobojibal mach'atic chamenic, tey ya jtsacticlan ta jc'ab a; aunque ya xmohic bahel c'alal ta ch'ulchan, tey ya jcohtes tal a.

Isaías 49:25

Pero hich ya yal te Jehová: Te mach'a chucul ya me xpojbot loq'uel ta sc'ab te mach'a ay yip, soc te bintic pojbil ya xpojbot loq'uel ta sc'ab te mach'a ya x'uts'inwan. Pero ya jcontrahin te mach'a ya scontrahinat, soc ya jcoltaybat te awal-anich'nabe.

Job 39:27

¿Ha'at bal ta scuenta amandar te ya xwihl mohel te muc'ul jxic soc te toyol ya yac' spechech?

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Cantares 2:14

Tsumut cu'un te ayat ta banti sc'ub tonetic, ta nac'ombahiletic ta witsiltic, a'bon quilbat asit awelaw, a'bon ca'iybat ac'op; como t'ujbil te ac'ope soc t'ujbil te asit awelaw, xchi.

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

2 Reyes 14:7

Te Amasías ha nix hich la smil jpic soc ho'bahc' (10,000) edometic ta Spamlej yu'un Ats'am, soc la stsal ta guerra te Sela, la ya'be sbihilin Jocteel, hich ay sbihil c'alal ora.

Isaías 10:14

La jtsacbe te sc'ulejalic te pueblohetic hich te bin ut'il mach'a ya yotses sc'ab ta spechech mut. Hich te bin ut'il ya yich' tsobel tomut te ch'ayemic hilel, hich la jcu'untay spisil te q'uinal, mayuc mach'a la stij xic', o la sjam ye yu'un ya x'awon, xchi.

Jeremías 49:15

Tut ya cac'at ta yohlil te nacionetic, p'ajbil ya xc'ohat ta yohlil te ants-winiquetique.

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Jeremías 51:53

Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Habacuc 2:9

Obol sba te mach'a ma stojiluc ya sta te bin ya xtuhun yu'un ta sna, yu'un toyol ya yac' spechech, yu'un ma xtahot yu'un te bin chopole.

Malaquías 1:3

soc la jp'aj te Esaú; la jc'atp'un ta jochol q'uinal te witsiltic yu'un, soc la jquihquitay hilel te bintic a'bot yich' hilel ta stojol te ts'i'etic ta jochol taquin q'uinal.

Jeremías 48:14

¿Bin ut'il te hich yac awalic: Tulan soldadohotic, ay quiptic yu'un guerra, te xchihexe?